விஜய்யின் அறிமுகப் பாடலை பாடிய பிரபல இந்தி பாடகர்!

ஏ.ஆர். முருகதாஸ் இயக்கத்தில் நடித்து வரும் விஜய்யின் அறிமுகப் பாடலை பிரபல இந்தி பாடகர் விபின் அனேஜா பாடியுள்ளார்.

விஜய் & ஏ.ஆர். முருகதாஸ் கூட்டணி தற்போது மூன்றாவது முறையாக இணைந்துள்ளது. இந்தப் படத்திற்கு இன்னும் தலைப்பு வைக்கவில்லை. ஆனாலும். இந்தப் படத்தின் படப்பிடிப்பு விறுவிறுப்பாக நடைபெற்று வந்தது. தற்போது ஸ்டிரைக் நடைபெற்று வருவதால் படப்பிடிப்பு நிறுத்தி வைக்கப்பட்டுள்ளது. இந்தப் படத்தை ‘சன் பிக்சர்ஸ்’ நிறுவனம் தயாரித்து வருகிறது. இந்தப் படத்துக்கு இசைப்புயல் ஏ.ஆர்.ரஹ்மான் இசை அமைக்கிறார்.

இந்நிலையில் படத்தில் இடம்பெறும் விஜய்க்கான அறிமுகப் பாடலை பாலிவுட்டின் பிரபல பின்னணி பாடகரான விபின் அனேஜாவை பாட வைத்துள்ளார் ஏ.ஆர்.ரஹ்மான். இவர் ஏற்கெனவே ஏ.ஆர்.ரஹ்மான் இசை நிகழ்ச்சிகளில் பல இந்தி பாடல்களை பாடியுள்ளார். இதுவரை விபின் அனேஜா தமிழில் பாடியது கிடையாது. விஜய் நடிக்கும் படத்திற்காக ஏ.ஆர்.ரஹ்மான் இசையில் பாடுவதன் மூலம் தமிழில் பாடகராக அறிமுகமாகிறார் விபின் அனேஜா.