ஹீரோவாகும் ஹிப் பாப் தமிழா?

இளம் இசையமைப்பாளர் ஹிப் பாப் தமிழா ஆதி தற்போது ஹீரோ அவதாரம் எடுக்கவிருப்பதாக கோலிவுட்டில் செய்திகள் வெளியாகியுள்ளன.

இயக்குனர் சுந்தர்.சி இயக்கத்தில் வெளியான 'ஆம்பள' படத்தின் மூலம் தமிழ் திரையுலகில் இசையமைப்பாளராக அறிமுகமானவர் ஹிப் பாப் தமிழா. அதனைத் தொடர்ந்து மீண்டும் சுந்தர்.சி இயக்கிய 'அரண்மனை 2' படத்தில் இசையமைத்தார்.

முன்னதாக நண்பர்களுடன் இணைந்து பல்வேறு இசை ஆல்பங்களை வெளியிட்டுள்ளார். இந்நிலையில், குஷ்பூவின் 'அவ்னி சினிமேக்ஸ்' தயாரிப்பில் அறிமுக இயக்குனர் இயக்கத்தில் ஹிப் பாப் தமிழா ஆதி நாயகனாக அறிமுகமகவுள்ளதாக தகவல்கள் வெளியாகியுள்ளன.

ஹிப் பாப் தமிழா இதற்கு ஒரு சிறிய க்ளூவை தனது டுவிட்டர் பக்கத்தில் பதிவிட்டுள்ளார். அவரது டுவீடில், 'விரைவில் புதிய அறிவிப்பு வரும். ஹிப் பாப் தமிழா.. தமிழன்டா!!' என டுவீட் செய்துள்ளார். Something is coming soon 👍🏻 #hiphoptamizha #tamizhanda pic.twitter.com/qYK6DdMU7C— Hiphop Tamizha (@hiphoptamizha) April 6, 2016 விஜய் ஆண்டனி, ஜி.வி.பிரகாஷ் உள்ளிட்ட இளம் இசையமைப்பளர்களை தொடர்ந்து தற்போது ஹிப் பாப் தமிழா ஆதியும் இணைந்துள்ளார். எனினும், இது குறித்த அதிகாரப்பூர்வ தகவல் வெளியாகவில்லை.