பிரபல நடிகர், மனைவிக்கு கொரோனா வைரஸ் பாதிப்பு

கொரோனா வைரஸ் உலகம் முழுவதும் பரவி வருகிறது. இந்தியாவிலும் கொரோனா வைரஸ் வேகமாக பரவிக் கொண்டிருக்கிறது. இதனால் பொது மக்கள் அதிகம் கூடும் இடங்களை தவிர்க்குமாறு வலியுறுத்தப்பட்டுள்ளது.

இந்நிலையில் பிரபல ஹாலிவுட் நடிகர் டாம் ஹாங்க்ஸ் தனது மனைவி ரீட்டா வில்சனுடன் ஆஸ்திரேலியாவுக்கு சென்றுள்ளார். ஆஸ்திரேலியாவுக்கு சென்ற இடத்தில் அவர்கள் கொரோனா வைரஸால் பாதிக்கப்பட்டுள்ளனர்.

இது குறித்து டாம் சமூக வலைதளத்தில் கூறியிருப்பதாவது,

ரீட்டாவும், நானும் ஆஸ்திரேலியாவுக்கு வந்துள்ளோம். எங்களுக்கு லேசாக சோர்வாக இருந்தது, மேலும் ஜலதோஷம், உடம்பு வலி இருந்தது. ரீட்டாவுக்கு குளிரும், காய்ச்சலுமாக இருந்தது. இதையடுத்து பரிசோதனை செய்து பார்த்ததில் எங்கள் இருவருக்கும் கொரோனா வைரஸ் பாதிப்பு இருப்பது தெரிய வந்துள்ளது.

நாங்கள் இருவரும் தனிமைப்படுத்தப்பட்டு, கண்காணிப்பில் வைக்கப்படுகிறோம். பத்திரமாக இருங்கள் என்று தெரிவித்துள்ளார்.



முன்னதாக ஹாரி பாட்டர் படத்தில் நடித்த டேனியல் ராட்கிளிஃபுக்கு கொரோனா வைரஸ் பாதிப்பு ஏற்பட்டதாக தகவல் வெளியானது. பின்னர் அது வெறும் வதந்தி என்பது தெரிய வந்தது.