Avengers Endgame Leaked: அவென்சர்ஸ் எண்ட்கேம் லீக்: ஒட்டுமொத்த ஹாலிவுட்டையும் அதிரவைத்த தமிழ் ராக்கர்ஸ்!

அவென்சர்ஸ் எண்ட்கேம் என்ற ஹாலிவுட் படத்தை லீக் செய்து ஒட்டு மொத்த ஹாலிவுட்டையும் தமிழ் ராக்கர்ஸ் அதிர வைத்துள்ளது.

கோலிவுட் மட்டுமல்லாமல், பாலிவுட், ஹாலிவுட் என்று எந்த சினிமாவை எடுத்தாலும், புதிய படங்கள் வந்து கொண்டே இருக்கிறது. ஆனால், புதிய படங்கள் திரைக்கு வந்த உடனேயே திருட்டுத்தனமாக தமிழ் ராக்கர்ஸ் என்ற இணையத்தில் வெளியாகிவிடுகிறது. இதுவரை, நடிகர் சங்கம் மட்டுமல்ல, தயாரிப்பாளர் சங்கம் உள்பட வேறு எந்த சங்கத்தாலும் திருட்டுத்தனமாக படங்களை வெளியிடும் இணையதளங்களை முடக்க முடியவில்லை.

இதன் விளைவு என்ன வென்றால், படத்தின் வசூல் பாதிக்கப்படுவதோடு, ஒரு படத்தை எடுப்பதற்கு படாதபாடு படும் தயாரிப்பாளருக்கு மிகுந்த நஷ்டம் ஏற்படும் நிலை வருகிறது. ஒன்றே ஒன்று வேணுமென்றால், சொல்லலாம், தமிழ் ராக்கர்ஸ்க்கு சின்ன நடிகர், பெரிய நடிகர் என்ற பாகுபாடு எல்லாம் கிடையாது. அது எந்த நடிகராக இருந்தாலும் சரி, படத்தை திருட்டுத்தனமாக பதிவிடுவதை வழக்கமாக கொண்டுள்ளது.

சகட்டுமேனிக்கு எந்த படம் வெளியானாலும் உடனே தனது இணையத்தில் பதிவேற்றுவிடுவதில், தமிழ் ராக்கர்ஸ் இணையதளம் முன்னிலை பெற்றுள்ளது. அந்த வகையில், நாளை வெளியாகவுள்ள ஹாலிவுட் படமான அவென்சர்ஸ் எண்ட்கேம் என்ற படம் நேற்று தமிழ் ராக்கர்ஸ் இணையதளத்தில் திருட்டுத்தனமாக லீக்காகியுள்ளது. இதனால், அவென்சர்ஸ் படக்குழுவினர் அதிர்ச்சியடைந்துள்ளனர்.

அதோடு, பல கோடி ரூபாய் செலவில் உருவாக்கப்பட்ட இப்படம் இந்தியா உள்பட உலகம் முழுவதும் நாளை வெளியாகவுள்ளது. படத்தின் கதைக்கு ஏற்ப உலக அளவில் இப்படம் வசூல் சாதனை படைக்கும் என்று எதிர்பார்த்த நிலையில், அதற்கெல்லாம் ஆப்பு வைக்கும் நிலையில், தமிழ் ராக்கர்ஸ் இணையதளத்தில் திருட்டுத்தனமாக வெளியிடப்பட்டுள்ளது.