Kaithi: தீபாவளி ஸ்பெஷல்: இந்த வாரம் திரைக்கு வரும் படங்களின் பட்டியல்!

தமிழ் சினிமாவில் ஒவ்வொரு வாரமும் குறைந்த ஒரு படம் திரைக்கு வருவது வழக்கம். சமீபகாலமாக சிறிய பட்ஜெட் முதல் பெரிய பட்ஜெட் படங்கள் வரை 5க்கும் அதிகமான படங்கள் திரைக்கு வருகின்றது. இதில், பெரும்பாலும் மாஸ் ஹீரோக்களின் படங்களே வசூல் குவிக்கிறது.

அந்த வகையில், இந்த வாரம் தீபாவளி பண்டிகை என்பதால், விஜய்யின் பிகில், கார்த்தியின் கைதி, ஹவுஸ்புல் 4, சாந்த்ஹிஆங்க், மேட்இன்சீனா ஆகிய படங்கள் என்று மொத்தம் 5 படங்கள் திரைக்கு வருகிறது. அட்லி இயக்கத்தில் விஜய் 3 கெட்டப்புகளில் நடித்துள்ள படம் பிகில். பெண்களின் கால்பந்து விளையாட்டை மையப்படுத்தி இப்படம் உருவாக்கப்பட்டுள்ளது. ஏஜிஎஸ் நிறுவனம் தயாரித்துள்ள இப்படத்திற்கு ஏஆர் ரஹ்மான் இசையமைத்துள்ளார்.

பெரிய திரையில் ரிலீசாகும் முதல் தமிழ் படம் என்ற பெருமையை பெற்ற பிகில்!

இப்படத்தில் வெறித்தனம் என்ற பாடலை விஜய் பாடியுள்ளார். கிட்டத்தட்ட 4200க்கும் அதிகமான திரையரங்குகளில் உலகம் முழுவதும் இப்படம் வெளியாகிறது. அதோடு, வெளியாவதற்கு முன்னதாகவே இப்படம் ரூ.136.55 கோடி வரையில் வசூல் குவித்துள்ளது. வரும் 25 ஆம் தேதி வெளியாகும் இப்படத்தைக் காண ரசிகர்கள் ஆவலுடன் காத்துக் கொண்டிருக்கின்றனர்.

லோகேஷ் கனகராஜ் இயக்கத்தில் கார்த்தி நடிப்பில் உருவாகியுள்ள படம் கைதி. ஆக்‌ஷன் த்ரில்லர் ஸ்டோரியை மையப்படுத்திய இப்படத்தில் ஹீரோயின் நடிக்கவில்லை. ரொமான்ஸ், டூயட் பாடல் இல்லை. இரவில் மட்டும் நடக்கும் கதையை, விருமாண்டி, டை ஹார்ட் ஆகிய படங்களின் தழுவல்களைக் கொண்டு இப்படம் உருவாக்கப்பட்டுள்ளது.

Bigil Telugu Release: 50 அடியில் தளபதி விஜய்க்கு கட் அவுட் ரெடி!

பர்ஹாத் சாம்ஜி இயக்கத்தில் அக்‌ஷய் குமார், பாப்பி டியோல், பூஜா ஹெக்டே ஆகியோர் பலரது நடிப்பில் உருவாகியுள்ள படம் ஹவுஸ்புல் 4. காமெடி கதையை மையப்படுத்தி இப்படம் உருவாக்கப்பட்டுள்ளது. துஸ்கர் ஹிராந்தனி இயக்கத்தில் டாப்ஸி, பூமி பட்னேகர், வினீத் குமார் ஆகியோர் பலர் நடிப்பில் உருவாகியுள்ள படம் சாந்த்ஹிஆங்க்.

ராஜு முருகன் இயக்கத்தில் கார்த்தி?

துப்பாக்கிச் சுடும் இந்திய பெண்களான சந்திரா தோமர் மற்றும் பிரகாஷி தோமர் ஆகியோர் வாழ்க்கை வரலாற்றை மையப்படுத்திய படமாக இப்படம் உருவாக்கப்பட்டுள்ளது. முதலில் இப்படத்திற்கு உமானியா என்று டைட்டில் வைக்கப்பட்டது. அதன் பிறகு டைட்டில் சர்ச்சையை ஏற்படுத்தவே சாந்த்ஹிஆங்க் என்று டைட்டில் வைக்கப்பட்டுள்ளது என்பது குறிப்பிடத்தக்கது.

முகில் முசாலே இயக்கத்தில் மௌனி ராய், போமன் இராணி, ராஜ்குமார் ராவ் ஆகியோர் பலர் நடிப்பில் உருவாகியுள்ள படம் மேட் இன் சீனா. காமெடி படமாக இப்படம் உருவாக்கப்பட்டுள்ளது என்பது குறிப்பிடத்தக்கது.