நூடுல்ஸ் மண்டையை மெயின்டெய்ன் செய்வது எப்படி?: ரகசியம் சொன்ன ரித்திகா சிங்

சுதா கொங்கராவின் இறுதிச் சுற்று படம் மூலம் நடிகையானவர் குத்துச்சண்டை வீராங்கனையான ரித்திகா சிங். முதல் படத்திலேயே தன் அபார நடிப்பால் ரசிகர்களை கவர்ந்தார். யாருய்யா இந்த பொண்ணு, அழகா இருக்கு, அருமையாக நடிக்குது, குத்துச் சண்டை எல்லாம் போடுது என்று ரசிர்கள் பாராட்டினார்கள். அதன் பிறகு அவர் ஆண்டவன் கட்டளை, சிவலிங்கா ஆகிய படங்களில் நடித்தார்.

அஸ்வத் மாரிமுத்து இயக்கத்தில் அசோக் செல்வனுடன் சேர்ந்து ரித்திகா சிங் நடித்த ஓ மை கடவுளே படம் கடந்த பிப்ரவரி மாதம் வெளியாகி வெற்றி பெற்றது. இறுதிச் சுற்று படத்தை அடுத்து ரித்திகாவுக்கு பெயர் வாங்கிக் கொடுத்த படம் என்றால் ஓ மை கடவுளே தான்.

அந்த படத்தில் அசோக் செல்வன் ரித்திகாவை நூடுல்ஸ் மண்டை என்று செல்லமாக அழைத்தது பிரபலமானது. ஓ மை கடவுளே படம் பார்த்தவர்கள் பலர் தங்கள் காதலி, மனைவிக்கு நூடுல்ஸ் மண்டை இல்லையே என்று வருத்தப்பட்டனர்.

நூடுல்ஸ் மண்டை பார்ப்பதற்கு அழகாகத் தான் இருக்கும். ஆனால் அதை மெயின்டெயின் செய்வது கஷ்டம். எப்படி ரித்திகா இந்த நூடுல்ஸ் மண்டையை மெயின்டெயின் செய்கிறீர்கள் என்று ரசிகர்கள் அவ்வப்போது அவரிடம் சமூக வலைதளங்களில் கேட்பதுண்டு.

இந்நிலையில் ரசிகர்களின் கேள்விக்கு பதில் அளித்துள்ளார் ரித்திகா சிங். நூடுல்ஸ் மண்டை பற்றி ரித்திகா சமூக வலைதளத்தில் கூறியிருப்பதாவது,

நான் கர்லிங் முடியை எப்படி சிக்கு இல்லாமல் மெயின்டெயின் செய்கிறேன் என்று பலரும் எனக்கு மெசேஜ் அனுப்புகிறார்கள். சுருட்டை முடியை மெயின்டெயின் செய்வது மிகவும் கடினம். தற்போது என் முடி நீளமாக வளர்ந்துவிட்டதால் டெட் எண்டுகள் நிறைய இருக்கிறது. தலைமுடி காயும் போது அதை தொடக் கூடாது என்கிற டிப் எனக்கு நன்றாக வேலை செய்கிறது.

ஈராமான முடியை கிரீம்கள் வைத்து ஸ்டைல் செய்து முடித்த பிறகு அதை தொடாமல் இருக்கவும். தொடவே கூடாது. முடி காயும்போது அதை தொட்டு கர்லிங் பேட்டனை கலைக்க வேண்டாம். சுருட்டை முடிக்கு என்று ஒரு பர்சனாலிட்டி இருக்கிறது. அதை நல்லபடியாக பார்த்துக் கொண்டால், அது நம்மிடம் நல்லபடியாக இருக்கும் என்று தெரிவித்துள்ளார்.

ரித்திகா சிங்கின் அடுத்த படம் உறுதியானது! முன்னணி ஹீரோவுக்கு ஜோடியாகிறார்