Vijay விஜய்யின் 'அந்த' ரகசியத்தை தெரிஞ்சுக்கணும்: ஹேன்ட்சம் ஹீரோ

பாலிவுட் நடிகர் ரித்திக் ரோஷன் இந்தி படங்களில் மட்டுமே நடித்து வரும் போதிலும் இந்தியா முழுவதும் பிரபலமாக உள்ளார். அவருக்கு ரசிகர்களை விட ரசிகைகள் அதிகம். பிரபல நடிகைகள் பலரும் ரித்திக் ரோஷனின் ரசிகைகள் ஆவர்.

ரித்திக் ரோஷன் டான்ஸ் ஆடினால் அதை கண்கொட்டாமல் பார்ப்பவர்கள் பலர். அவர் படம் டிவியில் ஓடினால் வீட்டில் யார் என்ன வேலை சொன்னாலும் இடத்தை விட்டு நகரமாட்டார்கள் ரசிகைகள். அத்தகைய ரித்திக் நிகழ்ச்சி ஒன்றில் கலந்து கொள்ள சென்னைக்கு வந்தார்.

யூடியூப் சேனல் ஒன்றுக்கு அவர் பேட்டி அளித்தார். அப்பொழுது அவரிடம் விஜய் பற்றி கேட்கப்பட்டது. அதற்கு ரித்திக் கூறியதாவது, விஜய் டான்ஸ் ஆடும்போது அவரின் எனர்ஜியை பார்த்து வியக்கிறேன். விஜய் ரகசிய டயட் இருக்கிறார் என்று நினைக்கிறேன். அந்த ரகசியத்தை தெரிந்து கொள்ள விரும்புகிறேன் என்றார்.


விஜய்க்கு வயது ஏறிக் கொண்டே போனாலும் மனிதர் அப்படியே இளமையாக, ஸ்லிம்மாக இருக்கிறார். அவர் டான்ஸ் ஆடுவதை பார்த்து வியக்கும் முதல் பாலிவுட் பிரபலம் ரித்திக் அல்ல. முன்னதாக 2.0 பட வில்லன் அக்ஷய் குமாரும் விஜய்யின் எனர்ஜியை பார்த்து வியந்துள்ளார்.

நல்லா இருந்த ஹேன்ட்சம் ஹீரோ இப்படி ஆகிட்டாரே

விஜய் சூப்பராக டான்ஸ் ஆடுவார் என்பது நாங்கள் சொல்லி உங்களுக்கு தெரிய வேண்டியது இல்லை. இந்நிலையில் சூப்பர் டான்ஸரான ரித்திக் ரோஷன் விஜய்யை புகழ்ந்து பேசியுள்ளது ரசிகர்களை மகிழ்ச்சி அடைய வைத்துள்ளது.