துபாயிலும் கலக்கும் கபாலி..!!

துபாயில் மிகப்பெரிய விளம்பரப் பலகை வைக்கப்பட்ட முதல் இந்திய திரைப்படம் என்ற பெருமையை ’கபாலி’ பெற்றுள்ளது.

நாளை வெளியாக உள்ள சூப்பர் ஸ்டாரின் கபாலி திரைப்படத்திற்கு தமிழகம் மட்டுமல்லாது உலகின் பல்வேறு நாடுகளிலும் எதிர்பார்ப்பு எகிறியுள்ளது.தமிழக சினிமா வரலாற்றில் இல்லாத அளவிற்கு அதிக எண்ணிக்கையில் வெளிநாட்டு திரையரங்குகளில் கபாலி திரைப்படம் திரையிடப்பட உள்ளது.இதனால் உற்சாகமடைந்துள்ள வெளிநாடு வாழ் தமிழர்கள்,கபாலி திரைப்படத்தின் ரிலீசை ஒரு திருவிழாவாகவே கொண்டாடி வருகின்றனர்.


இந்த வரிசையில் கபாலி திரைப்படத்தின் பிரம்மாண்ட விளம்பரப் பலகை ஒன்று துபாய்-சார்ஜா நெடுஞ்சாலையில் உள்ள அல்முல்லா பிளாசா என்ற வணிக வளாகத்தின் முகப்பில் வைக்கப்பட்டுள்ளது.இதற்கு முன்னர் எந்த இந்திய திரைப்படத்திற்கும் இவ்வளவு பிரம்மாண்டமான விளம்பர பலகை வைக்கப்பட்டதில்லையாம்.சென்ற இடமெல்லாம் சிறப்பு என்பதை போல,துபாயிலும் சாதித்து காட்டியுள்ளது கபாலி.