நான் காதலிக்கிறேன் என்று டுவிட்டரில் பதிவிட்ட ஐஸ்வர்யா தத்தா!

தான் காதலிப்பதாக நடிகை ஐஸ்வர்யா தத்தா அதிகாரப்பூர்வமாக அறிவித்துள்ளார்.

தமிழ் சினிமாவில் அட்டகத்தி தினேஷ் நடிப்பில் வந்த தமிழுக்கு எண் ஒன்றை அழுத்தவும் என்ற படத்தின் மூலம் அறிமுகமானவர் நடிகை ஐஸ்வர்யா தத்தா. இப்படத்திற்குப் பிறகு தமிழில் போதுமான வாய்ப்பு கிடைக்கவில்லை. எனினும், பாயும் புலி, அச்சாரம், ஆறாது சினம், சத்ரியன், மறைந்திருந்து பார்க்கும் மர்மம் என்ன ஆகிய படங்களில் நடித்துள்ளார். இப்படத்தைத் தொடர்ந்து கெட்டவனு பேர் எடுத்த நல்லவன்டா, அலேகா, கன்னி தீவு ஆகிய படங்கள் வெளியாக இருக்கிறது.

கடந்தாண்டு விஜய் தொலைக்காட்சியில் ஒளிபரப்பான பிக் பாஸ் தமிழ் 2 நிகழ்ச்சியில் கலந்து கொண்டார். இந்நிகழ்ச்சியின் மூலம் ஏகப்பட்ட ரசிகர்களை தன் வசப்படுத்திக் கொண்டார். இந்த நிலையில், தான் காதலில் இருப்பதாக தனது டிவிட்டர் பக்கத்தில் குறிப்பிட்டுள்ளார். ஆனால், யார் என்று அறிவிக்கவில்லை. விரைவில் இது குறித்து முறையாக அறிவிப்பார் என்று எதிர்பார்க்கப்படுகிறது.