விஷாலிடம் மன்னிப்பு கேட்ட ஸ்ரீரெட்டி!

பிரபல நடிகர்கள், இயக்குனர்கள் மீது அடுக்கடுக்காக புகார் கூறிய நடிகை ஸ்ரீரெட்டி, தனியார் தொலைக்காட்சி ஒன்றின் மூலம் விஷாலிடம் மன்னிப்பு கேட்டுள்ளார்.

தமிழ், தெலுங்கு திரையுலகில் பட வாய்ப்புக்காக வரும் நடிகைகளை பாலியல் தொல்லை கொடுப்பதாக, ஃபேஸ்புக் பக்கம் மூலம் பிரபல இயக்குனர்கள், நடிகர்கள் மீது புகார்களை கூறி வருபவர் நடிகை ஸ்ரீரெட்டி. தமிழில் முருகதாஸ், நடிகர் ஸ்ரீகாந்த், லாரன்ஸ், சுந்தர்.சி உள்ளிட்டோர் மீதும் குற்றம்சாட்டியுள்ளார்.

இதனிடையே நடிகர் விஷால் தன்னை மிரட்டுவதாகவும், இதற்கு நியாயம் கோரியும் ஸ்ரீரெட்டி பீதியை கிளப்பினார். அவருக்கு ஆதரவாக பல்வேறு அமைப்புகள் களத்தில் இறங்கின.

இந்நிலையில், நடிகை ஸ்ரீரெட்டி தனியார் தொலைக்காட்சிக்கு பிரத்யேக பேட்டி அளித்துள்ளார். அதில் பேசிய அவர், நடிகர் விஷாலின் மனம் புண்பட்டிருந்தால் தன்னை மன்னிக்க வேண்டும் என்று கூறியுள்ளார். மேலும், நடிகைகளுக்கு நடக்கும் பாலியல் தொல்லைகளுக்கு தீர்வு காண நடவடிக்கை எடுக்க வேண்டும் என்றும் கோரிக்கை விடுத்துள்ளார்.