தனுஷ் படத்துக்கு இசையமைக்காது நேரமின்மையே: அனிருத்!

தனுஷ் படங்களுக்கு இசையமைக்காததற்கு காரணம் நேரமின்மையே என்று இசையமைப்பாளர் அனிருத் கூறியுள்ளார்.

நடிகர் தனுஷும், அனிருத்தும் நெருங்கிய நண்பர்கள். சமீபத்திய தனுஷின் எல்லா படங்களுக்கு அனிருத்தான் இசையமைத்திருந்தார். இடையில் தனுஷின் இரண்டு படங்களுக்கு இசையமைக்கவில்லை. அதற்கு அனிருத்திடம் காரணம் கேட்டதற்கு எனக்கு நேரமில்லை என்று கூறியுள்ளார்.

இசையமைப்பாளர் அனிருத்திடம் ‘விஐபி2’ படத்திற்கு இசையமைக்காதது குறித்து கேட்டதற்கு அவர் தனக்கு நேரமில்லை என தெரிவித்துள்ளார். தனுஷ் படங்களில் தொடர்ந்து இசையமைத்து வந்த அனிருத் ‘பவர் பாண்டி’ மற்றும் ‘விஐபி 2’ ஆகிய படங்களில் இசையமைக்கவில்லை. இதுகுறித்து பலரும் பலவிதமாக பேசி வந்தனர். இருவருக்கும் இடையே சண்டை ஏற்பட்டுள்ளது என்றும் பல செய்திகள் வெளியானது.

இந்நிலையில் ‘விஐபி 2’ படத்திற்கு இசையமைக்காதது குறித்து அனிருத் கூறுகையில், ‘‘நான் மற்ற படங்களுக்கு இசையமைத்து வருவதால் தனுஷ் படத்திற்கு இசையமைக்க எனக்கும் நேரமில்லை. நான் இரண்டாவது பாகத்துக்கு இசையமைத்திருந்தால் அது முதல் பாகம் போல இல்லாமல் கூட இருந்திருக்கலாம். மீண்டும் இருவரும் இணைவோம்’’ என்றார்.

I don’t have time for Dhanush film’s says Anirudh