செல்போனால் கண்பார்வையை இழந்தேன்: பிக்பாஸ் காஜல்!

தமிழ் சினிமாவில் விரல் விட்டு எண்ணக்கூடிய ஒரு சில படங்களில் நடித்தவர் காஜல். இவர் விஜய் டிவியில் ஒளிபரப்பான, கமல் தொகுத்து வழங்கிய பிக்பாஸ் சீசன் 2வில் கலந்து கொண்டு மக்களிடையே பிரபலமானார். பிக்பாஸ் நிகழ்ச்சிக்குப் பிறகு தொடர்ந்து அவருக்கு நிறைய பட வாய்ப்புகள் குவிந்து வருகிறது. அதைத்தொடர்ந்து அவர் சில படங்களில் மட்டும் நடித்து வந்தார். மேலும் சமீபத்தில் இறுதியாக ‘கலகலப்பு 2’ படத்தில் நடித்திருந்தார்.

மேலும் நடிகை காஜல் பசுபதி சமூகவலைத்தளங்களில் எப்பொழுதும் பிஸியாக இருக்கக்கூடியவர். ஆனால், கடந்த சில காலமாக சமூக வலைதளத்தில் எந்த வித பதிவையும் வெளியிடாமல் இருந்து வந்துள்ளார்.

இந்நிலையில் காஜல் தனது ட்விட்டர் பக்கத்தில் பதிவு ஒன்றை வெளியிட்டுளளார். அதில் செல்போனில் அதிகம் கேம் விளையாடியதால், கொஞ்சம் கண் பார்வையையும் இழந்துள்ளதாக பதிவிட்டுள்ளார். தற்போது டாக்டர்களின் அறிவுரைப்படி சிறிது காலத்திற்கு செல்போனை அதிகம் பயன்படுத்தக்கூடாதாம்.