16 வயதினிலே நான் செய்ய வேண்டும் - கடாரம் கொண்டான் விக்ரம் கலகலப்பு!

கடாரம் கொண்டான் கமல்ஹாசன் தயாரிப்பில் நடிகர் விக்ரம் நடித்திருக்கும் படம். நீண்ட காலத்திற்கு பிறகு ராஜ்கமல் நிறுவனத்தில் வெளினடிகர் நடித்திருக்கும். கமலஹாசன் நடிக்க வேண்டிய பாத்திரத்தில் கமல் அரசியலில் இறங்கிய காரணத்தால் விக்ரம் நடிப்பில் உருவானது. தூங்காவனம் படத்தின் இயக்குநர் ராஜேஷ் செல்வா இப்படத்தினை இயக்கியுள்ளார். ஜிப்ரான் இந்தப்படத்திற்கு இசையமைத்துள்ளார். சீனிவாஸ் குப்தா ஒளிப்பதிவு செய்கிறார்.கமல்ஹாசனின் ராஜ் கமல் ஃபிலிம் இண்டர்நேஷனல் மற்றும் ட்ரிடெண்ட் ஆர்ட்ஸ் நிறுவனமும் இணைந்து இப்படத்தினை தயாரித்துள்ளார்கள். அக்‌ஷரா ஹாசன் , நாசர் மகன் அபி ஆகியோர் வெகு முக்கிய பாத்திரத்தில் நடித்துள்ளார்கள்.

விக்ரம் வில்லததனமான பாத்திரத்தில் நடித்துள்ள இந்தப் படத்தின் டீசர்கடந்த மாதம் வெளியாகி பரபரப்பை கிளப்பியது.மிகுந்த எதிர்பார்ப்பில் உள்ள இப்படத்தின் டிரெய்லர் வெளியீட்டு விழா இன்று நடைபெற்றது. இவ்விழாவில் பேசிய விக்ரம்நான் ஏற்காட்டில் படித்துக்கொண்டிருக்கும்போது எங்கள் காலேஜ் ஹாஸ்டலில்வாரம் ஒரு படம் போடுவார்கள் அதை தேர்ந்தெடுக்கும் உரிமை என்னிடம் இருந்தபோதும் எங்கள் குழுவில் இருந்தபோதும் அனைவரும் கமல் சார் படத்தையே தேர்ந்தெடுத்தோம்.

கமல் சார் பல லட்சக்கனக்கானவர்களின் இன்ஸ்பிரேஷனாக இருக்கிறார். எனக்கும் அவர் தான். கமல் சார் சிவாஜி சார் போன்றவர்கள் தான் நான் நடிப்புக்கு வர நன்றாக, நடிக்க ஒரே காரணம். எனக்கு எப்போதும் கமல் சார் மீது பிரமிப்பு இருக்கும். 16 வயதினிலே படம் எனக்கு அவ்வளவு பிடிக்கும். ஏதாவது ஒரு படத்தை ரீமேக் செய்ய வேண்டுமெனில் எனக்கு 16 வயதினிலே தான் என்னோட விருப்பமாக இருக்கும். எனக்குத் தெரியும் அதை என்னால் செய்ய முடியாது. அதை அவர் செய்யும் போது அவருக்கு மிக இளம்வயது. எப்படி அதைச் செய்தார் எனும் பிரமிப்பு எப்போதும் விலகாது.

எனக்கு இந்தப்படம் முதன் முதலில் அழைப்பு வந்தபோது நான் எதுவும் யோசிக்கவே இல்லை. கமல் சார் ஆபீஸில் இருந்து கால் வந்த்போது உடனே ஓகே சொன்னேன். இந்த வாய்ப்பை எப்படி மறுக்க முடியும். எல்லோரும்நான் துருவ நட்சத்திரம் படத்தில் ஸ்டைலாக இருப்பதாக கூறினார்கள். ஆனால் இந்தப்படத்தில் அதை தாண்டி வேறு வடிவில் இருக்கும். இந்தப்படத்தில் அனைவரும் கடுமையாக உழைத்து அருமையான படத்தை தந்திருக்கிறோம். இந்தக்கதையே வெகு வித்தியாசமானது. ஒரு புது அனுபவமாக இருக்கும் என்று பேசினார்.