எனக்கு இப்படிப்பட்ட கணவர்தான் வேண்டும்: காஜல் அகர்வால்!

தமிழ் மற்றும் தெலுங்கு சினிமாவில் முன்னணி நடிகையாக இருந்து வருபவர் நடிகை காஜல் அகர்வால். சமீபத்தில் இவருக்கு உடல்நலக்குறைவு ஏற்பட்டது. இதனால் இவர் கடந்த நான்கு மாதங்களாக ஓய்வில் இருக்கிறார். மேலும், இவர் தற்போது கமலுக்கு ஜோடியாக ‘இந்தியன் 2’ படத்தில் நடிக்க ஒப்பந்தமாகியுள்ளார்.

இந்நிலையில் நடிகை காஜல் அகர்வால், தனது திருமணம் குறித்து அளித்த பேட்டியில், ‘‘ஒரு காலகட்டத்தில் திருமணம் நோக்கி எனது மனம் அலைபாய்ந்தது. தற்போது அந்த அலை ஓய்ந்து விட்டது. இப்போதைக்கு என் திருமணம் இல்லை. மேலும் எனக்கு கணவராக வருபவர், என்னிடம் உண்மையாக இருக்க வேண்டும், என்னை உண்மையாக நேசிக்க வேண்டும்.

என்னை உற்சாகப்படுத்த வேண்டும். அதற்கு மேலாக என்னை கண்மூடித்தனமாக நம்ப வேண்டும். எப்போதும் என்னை சிரிக்க வைத்துக் கொண்டே இருக்க வேண்டும்’’ என்றார் காஜல் அகர்வால்.