தன்னைப் போல் பிரபல நடிகரின் படத்தை பார்க்க விரும்பும் ரஜினி!

நடிகர் மோகன்லால் நடித்த ‘வில்லன்’ படத்தை பார்க்க நடிகர் ரஜினி விருப்பம் தெரிவித்துள்ளார்.

மலையாளத்தில் நடிகர் மோகன்லால் நடிப்பில் உருவாகியுள்ள படம் ‘வில்லன்’. நடிகர் விஷாலும், நடிகை ஹன்சிகாவும் முதன்முறையாக இந்தப் படத்தின் மூலம் மலையாளத்தில் அறிமுகமாகியுள்ளார்கள். படத்தில் மோகன்லாலுக்கு ஜோடியாக மஞ்சு வாரியர் நடித்துள்ளார். இந்த மாதம் 27ஆம் தேதி இந்தப் படம் ரிலீஸாக இருக்கிறது.

எந்த மொழி படமாக இருந்தாலும் நல்ல படங்களைப் பார்த்து பாராட்டுவது ரஜினியின் வழக்கம். ‘வில்லன்’ படத்தை ராக்லைன் வெங்கடேஷ் தயாரித்துள்ளார். இவர்தான் ரஜினி நடித்த ‘லிங்கா’ படத்தையும் தயாரித்தவர் என்பது குறிப்பிடத்தக்கது. அதனால்தான் இந்தப் படத்தைப் பார்க்க விரும்புவதாக ரஜினி கூறியிருக்கிறாராம்.