15 வயதில் பலாத்காரம் செய்யப்பட்டேன்: அதிர வைக்கும் பிரபல நடிகை

ஹாலிவுட் நடிகை டெமி மூர் தனது வாழ்க்கை வரலாற்றை புத்தகமாக எழுதியுள்ளார். Inside Out என்று பெயரிடப்பட்டுள்ள அந்த புத்தகம் வரும் 24ஆம் தேதி வெளியிடப்படுகிறது.

அந்த புத்தகத்தில் டெமி மூர் பல அதிர்ச்சியூட்டும் தகவல்களை எழுதியுள்ளாராம். பல ஊர்களில் இருந்துவிட்டு தனது குடும்பம் இறுதியாக தென் கலிபோர்னியாவில் செட்டில் ஆனதை விரிவாக தெரிவித்துள்ளாராம் மூர். மேலும் தான் 15 வயதில் பாலியல் பலாத்காரம் செய்யப்பட்டதாகவும், அதன் பிறகு ஓராண்டு கழித்து அம்மா வீட்டில் இருந்து வெளியேறியதாகவும் அவர் எழுதியுள்ளாராம்.

தனது கெரியரால் குடும்பத்தாருடன் நேரம் செலவிட முடியாமல் போவதாக தன் இரண்டாவது கணவரும், பிரபல ஹாலிவுட் நடிகருமான ப்ரூஸ் வில்லிஸ் கருதியதாக மூர் தெரிவித்துள்ளார். டெமி மூர், ப்ரூஸ் வில்லிஸுக்கு ரூமர்(31), ஸ்கவுட் (28), தலூலா பெல் (25) ஆகிய மூன்று மகள்கள் உள்ளனர்.

ப்ரூஸ் வில்லிஸை பிரிந்த பிறகு 5 ஆண்டுகள் கழித்து டெமி மூர் தன்னைவிட 15 வயது சிறியவரான ஹாலிவுட் நடிகர் ஆஸ்டன் கட்சரை திருமணம் செய்தார். ஆஸ்டனை டேட் செய்தபோது தான் கர்ப்பமானதாகவும், 6 மாதமாக இருந்தபோது கரு கலைந்ததாகவும் டெமி தனது புத்தகத்தில் குறிப்பிட்டுள்ளார். அது பெண் குழந்தை என்றும், அது பிறந்திருந்தால் அதற்கு சாப்ளின் ரே என்று பெயர் வைக்க திட்டமிட்டதாகவும் டெமி தெரிவித்துள்ளார்.

குழந்தையை இழந்த பிறகு டெமி அளவுக்கு அதிகமாக குடிக்கத் துவங்கியதுடன், போதைப்பொருளும் பயன்படுத்தியுள்ளார்.

டெமியும், ஆஸ்டனும் 2013ஆம் ஆண்டு விவாகரத்து செய்தனர். ஆஸ்டன் வேறு ஒரு பெண்ணுடன் கள்ளத்தொடர்பு வைத்து தன்னை ஏமாற்றியதாக டெமி தெரிவித்துள்ளார். ஆனால் இது குறித்து ஆஸ்டன் இதுவரை கருத்து எதுவும் தெரிவிக்கவில்லை.

டெமி மூர் மூன்று முறை திருமணமாகி விவாகரத்தானவர். இந்நிலையில் அவரின் புத்தகத்தை படித்து அவரின் வாழ்க்கை குறித்து மேலும் தெரிந்து கொள்ள ரசிகர்கள் ஆவலுடன் உள்ளனர்.

ஆஸ்டன் கட்சர் டெமி மூரை பிரிந்த பிறகு நடிகை மிலா குனிஸை காதலித்து திருமணம் செய்து கொண்டார். அவர்களுக்கு ஒரு மகளும், மகனும் உள்ளனர் என்பது குறிப்பிடத்தக்கது.