Vivek: அத்தி வரதருக்குப் பிறகு இங்கு தான் இவ்ளோ கூட்டத்த பார்க்கிறேன்: நடிகர் விவேக்!

தளபதி விஜய் நடிப்பில் அட்லி இயக்கத்தில் உருவாக்கப்பட்டுள்ள படம் பிகில். ஏஜிஎஸ் நிறுவனம் தயாரிப்பில், ஏஆர் ரஹ்மான் இசையில், இப்படம் உருவாக்கப்பட்டுள்ளது. பெண்களின் கால்பந்து விளையாட்டை மையப்படுத்திய இப்படத்தில், விஜய் அப்பா மற்றும் மகன் என்று இரு கதாபாத்திரங்களில் நடித்துள்ளார்.

இந்த நிலையில், இப்படத்தின் இசை வெளியீட்டு விழா தற்போது தாம்பரம் பகுதியிலுள்ள ஸ்ரீ சாய்ராம் பொறியியல் கல்லூரியில் பிரமாண்டமாக நடந்து வருகிறது. இதில், விஜய் அவரது மனைவி சங்கீதாவுடன் கலந்து கொண்டார். மேலும், விஜய்யின் பெற்றோரும் இந்த விழாவில் கலந்து கொண்டுள்ளனர்.

Bigil Audio Launch: பிகில் இசை வெளியீட்டு விழாவில் பரிசு: இன்ப அதிர்ச்சியில் தளபதி ரசிகர்கள்!

Bigil Track List: தலைவன் ரசிகனுக்கு அடிச்சா அதுக்கு பேரு பிகில்: தளபதிக்காக மிர்ச்சி சிவா கவிதை!

இந்த மாதிரி ரசிகர்கள் இருக்கும் வரை தளபதி’ய யாராலும் ஒண்ணும் பண்ண முடியாது!

இவர்களைத் தொடர்ந்து படக்குழுவினருடன் இணைந்து தளபதி 64 படத்தின் இயக்குனர் லோகேஷ் கனகராஜும் கலந்து கொண்டுள்ளார். பிகில் இசை வெளியீட்டு விழாவை நடிகர் சிவா மற்றும் விஜே ரம்யா இருவரும் தொகுத்து வழங்கி வருகின்றனர். இந்த நிகழ்ச்சியை தொகுத்து வழங்க தேவையில்லை.

விஜய் எழுந்தாலெ கை காட்டினாலே கை தட்டுறாங்க என்ற சிவா, தனது கவிதை திறனை தற்போது வெளிக்காட்டியுள்ளார். இதற்கு விஜய்யை மூலக்காரணமாக பயன்படுத்திக் கொண்டார். ஒரு ரசிகன் ஒரு தலைவனுக்காக அடிச்சா அது விசிலு, அதே ஒரு தலைவன் ரசிகனுக்காக அடிச்சா அது பிகிலு என்றார். மேலும், எப்படியெல்லாம் ஃபுட்பால் விளையாடனும் என்று தளபதி பிகில் சொல்லி கொடுத்திருக்காரு. எப்படியெல்லாம் கிரிக்கெட் விளையாடக்கூடாதுன்னு நாங்க சொல்லிக் கொடுத்தோம் என்று கூறி அரங்கத்தை சிரிப்பலையில் அதிரவைத்துள்ளார்.

இந்த நிலையில், காமெடி நடிகர் விவேக் கூறுகையில், கிட்டத்தட்ட 3 மணி நேரமாக போக்குவரத்து நெரிசலில் சிக்கிக்கொண்டேன். எனது வீட்டில் 3.30 மணிக்கு புறப்பட்டேன். ஆனால், இந்த இடத்திற்கு 7.30 மணிக்குதான் வந்தேன். இந்த இடத்திற்கு வெளியில், ரசிகர்களின் கூட்டம் அலைமோதுகிறது.

அத்தி வரதருக்குப் பிறகு இங்குதான் இவ்வளவு கூட்டத்தை பார்க்கிறேன் என்றார். மேலும், விஜய்யின் வாழ்க்கையை ரத்தின சுருக்கமாக, முதலில் ஏளனம் செய்வார்கள். பின்னர், அவர்களே உங்களை எதிர்ப்பார்கள். இறுதியில், அவர்களே உங்களை ஏற்றுக்கொள்வார்கள் என்று குறிப்பிட்டுள்ளார்.