படத்துக்கு தேவைப்பாட்டால் நிர்வாணமாக நடிப்பேன்: ஆண்ட்ரியா!

படத்துக்கு நிர்வாணம் தேவையென்றால் அப்படி நடிப்பதில் தப்பு ஒன்றும் இல்லை என்று நடிகை ஆண்ட்ரியா கூறியுள்ளார்.

வித்தியாசமான கதாபாத்திரங்களை தேர்ந்தெடுத்து தைரியமாக நடித்து வருபவர் நடிகை ஆண்ட்ரியா. எதை பேச வேண்டுமானாலும் வெளிப்படையாக பேசக் கூடியவர். இவர் சமீபத்தில் ஒரு விழாவில் கலந்து கொண்டு, சினிமா துறையில் நடக்கும் ஆண்களின் ஆதிக்கம் பற்றி ஆவேசமாக பேசினார்.

அப்போது, ‘’தரமணி படத்தில் எனது நடிப்பிற்கு நல்ல வரவேற்பு கிடைத்தும், அந்தப் படத்துக்குப் பின்னர் எனக்கு வேறு எந்தப் பட வாய்ப்பும் கிடைக்கவில்லை. ஆனால் விஜய்யுடன் ஒரு படத்தில் சும்மா 3 குத்துப் பாடல்களை ஆடிவிட்டு சென்ற நடிகைகள் எல்லாம் தற்போது நான்கைந்து படங்களில் பிஸியாக நடித்து வருகின்றனர். “படத்தின் கதைக்கு தேவைப்பட்டால் நான் நிர்வாணமாகக் கூட நடிக்க தயாராக இருக்கிறேன். ஆனால் அது படத்திற்கு தேவையானதாக இருக்கவேண்டும். ஒரு சில நடிகைகள் அர்த்தமே இல்லாமல் திரையில் கவர்ச்சிக்காக சில விஷயங்களை செய்வது ஏற்றுக் கொள்ள முடியாது. அந்தக் கவர்ச்சி நிர்வாணமாக நடிப்பதை விட மோசமாக உள்ளது” என்றார் .