என்னோட இமேஜை பாதிக்காத ரோலில் மட்டுமே நடிப்பேன்: டிடி

நளதமயந்தி, சரோஜா ஆகிய படங்களில் குணச்சித்திர ரோலில் நடித்தவர் தொகுப்பாளினி திவ்யதர்ஷினி. தற்போது தனுஷ் இயக்கத்தில் உருவாகியுள்ள ப.பாண்டி படத்தில் நடித்துள்ளார். ஒரு சீனில் நடித்தாலும் தன்னுடைய ரோலுக்கு நச்சென்று நடித்து பலரது பாராட்டுக்களைப் பெற்றுள்ளார்.

இதில், தனது அம்மாவின் முன்னாள் காதலர் ராஜ்கிரண், காதலியை தேடி வந்திருக்கிறதை அறிந்த அம்மாவான ரேவதி சொன்னபோது, அதற்கு வயதான காலத்தில் ரெண்டு பேரும் சேர்ந்து வாழ்வது ஒன்றும் தவறில்லை என்று கேசுவலாக படத்திற்கு ஏற்ற நடிப்போடு சொல்லியிருப்பார். அப்படி அவர் பேசி நடித்த காட்சிக்கு திரையரங்கம் முழுவதும் ஒரே கைதட்டல் சத்தம் தான்.

இப்படத்தைத் டிடிக்கு வாய்ப்பு குவிந்து வருகிறது. பல இயக்குனர்கள் டிடியை நடிக்க அழைப்பு விடுத்து வருகிறார்கள். ஆனால், நடிப்பதில் எனக்கு எந்த பிரச்சனையும் இல்லை. ஓரிரு காட்சிகளில் வந்தாலும் எனக்கு அழுத்தமான ரோல் கொடுப்பதாக இருக்க வேண்டும்.

அதே நேரத்தில் என்னுடைய இமேஜை பாதிக்காத ரோலாக இருக்க வேண்டும். எனக்கென்று ஒரு இமேஜ் இருக்கிறது. ரசிகர்களும் ஏராளாம். அதனால், அவர்கள் மத்தியில் என்னை உயர்த்தி காட்டக்கூடிய ரோலாக இருந்தால் நான் கண்டிப்பாக நடிப்பதற்கு ரெடி. அப்படியில்லையென்றால் என்னால் நடிக்க முடியாது என்று அவர் திட்டவட்டமாக தெரிவித்துள்ளார்.