அந்த கொடுமையை என் கண்ணால பார்த்தேன், ஜென்மத்துக்கும் மறக்க மாட்டேன்: லோஸ்லியா

இலங்கை தமிழ் பெண்ணான லோஸ்லியா பிக் பாஸ் 3 நிகழ்ச்சி மூலம் பிரபலமானார். இதையடுத்து அவர் தமிழ் படங்களில் ஹீரோயினாக நடித்து வருகிறார்.அவர் கிரிக்கெட் வீரர் ஹர்பஜன் சிங்குடன் சேர்ந்து நடித்த பிரண்ட்ஷிப் படம் தியேட்டர்களில் வெளியானது. படம் பார்த்த அனைவரும் லோஸ்லியாவின் நடிப்பை பாராட்டியிருக்கிறார்கள்.

மேலும் பிக் பாஸ் 3 நிகழ்ச்சி புகழ் தர்ஷன் ஜோடியாக கூகுள் குட்டப்பா படத்தில் நடித்திருக்கிறார் லோஸ்லியா.

இந்நிலையில் இலங்கை போர் பிரச்சனை தொடர்பான படங்களில் நடிப்பீர்களா என்று பேட்டி ஒன்றில் லோஸ்லியாவிடம் கேட்கப்பட்டது. அதற்கு அவர் கூறியதாவது,

இலங்கையில் வாழ்ந்ததால் அந்த கொடுமையை எல்லாம் என் கண்ணால் பார்த்திருக்கிறேன். அதை உயிர் இருக்கும் வரை மறக்கவே முடியாது. அப்படி இருக்கும்போது இலங்கை பிரச்சனை தொடர்பான படங்களில் நிச்சயம் நடிக்க மாட்டேன் என்றார்.

ராஜ் மற்றும் டிகே இயக்கத்தில் வெளியான தி ஃபேமிலி 2 வெப் தொடரில் இலங்கை பிரச்சனையை காட்டியிருந்தார்கள். அதில் இலங்கை தமிழ் பெண்ணாக சமந்தா நடித்திருந்தார் என்பது குறிப்பிடத்தக்கது. மேலும் சமந்தாவுக்கு தமிழ் ரசிகர்களிடையே எதிர்ப்பு கிளம்பியது.

இந்நிலையில் இலங்கை தமிழ் பெண்ணான லோஸ்லியா இப்படி கூறியிருக்கிறார்.