'இது நம்மம் ஆளு' மே 27-ல் ரிலீஸ்

சென்னை: 'பசங்க' இயக்குனர் பாண்டிராஜ் இயக்கத்தில் சிம்பு-நயன்தாரா ஜோடி சேர்ந்து நடித்துள்ள 'இது நம்ம ஆளு' திரைப்படம் வருகிற மே 27ஆம் தேதி வெளியாகும் என அதிகாரப்பூர்வ தகவல் வெளியாகியுள்ளது.

காதல் முறிவிற்கு பிறகு சிம்பு-நயன்தாரா ஜோடி இணைந்து நடித்துள்ள 'இது நம்ம ஆளு' இப்படம் ரசிகர்களிடையே மிகுந்த எதிர்ப்பார்ப்பை ஏற்படுத்தியுள்ளது. பல்வேறு காரணங்களால் பலமுறை இப்படத்தின் வெளியீட்டு தேதி அறிவிக்கப்பட்டு பின்னர் ஒத்திவைக்கப்பட்டது. #IdhuNammaAalu officially confirmed from 27th … God Bless #INAon27th pic.twitter.com/Nx4OFJ7NbX — STR (@iam_str) May 21, 2016 ஒருவழியாக படத்துக்கு வந்த அனைத்து தடைகளும் நீங்கி வருகிற மே 27ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. தணிக்கையில் 'யு' சான்றிதழ் பெற்ற இப்படம் 2 மணிநேரம் 17 நிமிடம் நீளம் கொண்டுள்ளது.

அடா ஷர்மா, ஆண்ட்ரியா, சூரி உள்ளிட்டோர் இணைந்து நடித்துள்ள இப்படத்திற்கு குறளரசன் இசையமைத்துள்ளார். இப்படத்தின் தமிழக திரை வெளியீட்டு உரிமத்தை தேனாண்டாள் ஃபிலிம்ஸ் நிறுவனம் கைப்பற்றியுள்ளது. இது நம்ம ஆளு வெளியாக 5 நாட்களே உள்ள நிலையில், திரையரங்குகளில் டிக்கெட் புக்கிங் துவங்கியுள்ளது.