“10 கோடி கொடுத்தாலும் பிக் பாஸில் கலந்து கொள்ள மாட்டேன்” : லட்சுமி ராமகிருஷ்ணன் பளீர்!

10 கோடி ரூபாய் கொடுத்தாலும் கூட என் குடும்பத்தை விட்டு பிரிந்து பிக் பாஸ் நிகழ்ச்சியில் கலந்து கொள்ள மாட்டேன் என்று நடிகையும், இயக்குநருமான லட்சுமி ராமகிருஷ்ணன் கூறியுள்ளார்.

விஜய் டிவியில் ஒளிபரப்பாகும் பிக் பாஸ் நிகழ்ச்சி குறித்த பேச்சு தமிழகம் எங்கும் பேசப்படுகிறது. திரை நட்சத்திரங்கள் பங்கு பெற்றுள்ள அந்த நிகழ்ச்சியில் ஒவ்வொரு நாளும் ஏதாவது களேபரங்கள் நடந்து கொண்டே இருக்கின்றன. இந்த நிகழ்ச்சியில் கலந்து கொள்வது குறித்து இயக்குநர் லட்சுமி ராமகிருஷ்ணன் கருத்து தெரிவித்துள்ளார்.

சமீபத்திய பேட்டி ஒன்றில் லட்சுமி ராமகிருஷ்ணனிடம் பிக் பாஸ் நிகழ்ச்சிக்கு உங்களை அழைத்தார்களா என்று கேள்வி கேட்கப்பட்டது. அதற்கு பதில் அளித்த அவர், ஆம்! அழைத்தார்கள். ஆனால் நான் போகவில்லை என்றார்.

என் குடும்பத்தை விட்டு 100 நாட்கள் பிரிந்து இருக்க முடியாது என்று கூறிய அவர், 10 கோடி ரூபாய் கொடுத்தாலும் நிகழ்ச்சியில் கலந்து கொள்ள மாட்டேன் என்று சொல்லிவிட்டேன் என்று கூறினார்.