மகனுடன் இசைஞானி இளையராஜா கூட்டணி?

சென்னை: யுவன் ஷங்கர் ராஜா தயாரிப்பில் உருவாகவிருக்கும் புதுப் படத்திற்கு அவரது தந்தை இசைஞானி இளையராஜா இசையமைக்கவிருப்பதாக தகவல் வெளியாகியுள்ளது.

'தர்மதுரை' திரைப்படத்தின் வெற்றியைத் தொடர்ந்து இரண்டாவது முறையாக இயக்குனர் சீனுராமசாமியும், விஜய் சேதுபதியும் இணைந்து பணியாற்றும் 'மாமனிதன்' திரைப்படத்தில் இசைஞானி இளையராஜாவும், அவரது மகன் யுவன் ஷங்கர் ராஜாவும் கூட்டணி அமைக்கவிருப்பதாக கூறப்படுகிறது.

பிரபல இசையமைப்பாளரான யுவன் ஷங்கர் ராஜா தற்போது தயாரிப்பில் ஆர்வம் காட்டி வருகிறார். யுவன் தயாரிக்கும் முதல் திரைப்படம் தற்போது நயன்தாரா நடிப்பில் உருவாகி வரும் 'கொலையுதிர் காலம்' ஆகும். இதைத் தொடர்ந்து சீனுராமசாமி இயக்கவிருக்கும் 'மாமனிதன்' திரைப்படத்தை தயாரிக்கப்போவதாக யுவன் அதிகாரபூர்வமாக அறிவித்துள்ளார்.

இந்நிலையில், இப்படத்திற்கு இசைஞானியம், யுவன் ஷங்கர் ராஜாவும் இணைந்து இசையமைக்கவிருப்பதாக கோலிவுட் வட்டாரத்தில் பேசப்படுகிறது. இந்த தகவல் உண்மையாகும் பட்சத்தில் இருவரும் இணையும் முதல் திரைப்படம் இதுவாகும். இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்ப்பார்க்கப்படுகிறது.

The buzz in the industry is that the hit combo of Dharma Durai, Seenu Ramasamy and Vijay Sethupathi are all set to team up once again. The film, we hear, is titled Mamanidhan and will be produced by Yuvan Shankar Raja.