இளையராஜா இசையில் உருவாகும் உதயநிதி ஸ்டாலின் படம்!

உதயநிதியை வைத்து மிஷ்கின் இயக்கவுள்ள புதிய படத்திற்கு இளையராஜா இசையமைக்கவுள்ளார்.

மிஷ்கின் இயக்கத்தில் உதயநிதி ஒரு படத்தில் நடிக்கவுள்ளார். நடிகர் உதயநிதி ஸ்டாலின், இயக்குனர்கள் பிரியதர்ஷன், சீனு ராமசாமியை அடுத்ததாக தற்போது மிஷ்கினுடன் இணைந்துள்ளார் உதயநிதி.

மிஷ்கின் சாந்தணுவை வைத்து ஒரு படத்தை இயக்கவிருந்த நிலையில், படத்தை தயாரிக்கவிருந்த லிப்ரா புரொடக்ஷன்ஸ் கடைசி நேரத்தில் பின் வாங்கியதால் அந்தப் படம் கைவிடப்பட்டு, அதே கதையில் உதயநிதி ஹீரோவாக நடிக்க ஒப்பந்தம் செய்யப்பட்டுள்ளதாக கூறப்படுகிறது. இந்தப் படத்தை உதயநிதி ஸ்டாலின் தயாரிக்கிறார். இந்த படத்திற்கு இளையராஜா இசையமைக்க இருப்பதாக தகவல் வெளியாகி இருக்கிறது. படப்பிடிப்பு வரும் ஆகஸ்ட் மாதம் தொடங்க உள்ளது. இந்தப்படத்திற்கு பி.சி.ஸ்ரீராம் ஒளிப்பதிவு செய்கிறார்.