இளையராஜாவுடன் மீண்டும் இணையும் கமல்

இசையமைப்பாளர் இளையராஜாவுடன், மீண்டும் ஒரு படத்தின் மூலம் கமல் இணையவிருக்கிறார்.

தமிழ் சினிமாவில் எந்த காலத்திலும் சில இசை கூட்டணிக்கள் ரசிகர்களிடையே பெரிய தாக்கத்தை ஏற்படுத்தும். அப்படி ஒரு கூட்டணி தான். கமல் படத்திற்கு இளையராஜா இசையமைத்த படங்களும் சரி, இளையராஜா இசையில் கமல் பாடிய பாடல்களும் சரி ரசிகர்களிடையே பெரியளவில் சென்றடைந்த பாடல்களாகும். அப்படிப்பட்ட கூட்டணி மீண்டும் உருவாகிறது.

விரைவில் இயக்குனர் ராஜீவ் குமார் இயக்கவிருக்கும் படத்தில் நடிக்கவிருக்கும் கமல் படத்திற்கு இளையராஜா இசையமைக்கிறார். அதில் கமல் ஒரு பாடல் பாடவுள்ளார். இதற்கு முன் அமைந்த இவர்கள் பாடல்களை போல இதுவும் அமையும் என்ற மகிழ்ச்சியில் இப்போதே உள்ளனர் அவரது ரசிகர்கள்.