பீட்டர் பாலை பிரிந்துவிட்டேனா?: உண்மையை சொன்ன வனிதா

வனிதா விஜயகுமாருக்கும், அவரின் காதல் கணவரான பீட்டர் பாலுக்கும் இடையே பிரச்சனை ஏற்பட்டு பிரிந்துவிட்டார்களாம். கோவாவுக்கு சென்ற இடத்தில் தான் பிரச்சனை ஏற்பட்டதாம். குடிபோதையில் தகராறு செய்த பீட்டர் பாலை வனிதா அடித்து, காரில் இருந்து கீழே தள்ளிவிட்டதாக செய்திகள் வெளியாகின.

வனிதாவும், பீட்டர் பாலும் சண்டை போட்டு பிரிந்துவிட்டார்களா?

இந்நிலையில் இது குறித்து வனிதா ட்விட்டரில் விளக்கம் அளித்துள்ளார். வனிதா கூறியிருப்பதாவது,

எங்களை எதனாலும் பிரிக்க முடியாது என்று நினைத்தேன். அந்த நேரத்தில் அவருக்கு உடல்நலம் பாதிக்கப்பட்டு அவரை நான் இழந்துவிடுவேனோ என்கிற பயம் ஒரே மாதத்தில் இரண்டு முறை ஏற்பட்டது. அது தான் மோசமான வலி, ஃபீலிங். அவரை இரண்டு முறையும் வீட்டிற்கு உயிரோடு அழைத்து வந்ததற்காக கடவுளுக்கு நன்றி தெரிவித்தேன். அதுவும் இந்த வருடத்தில்.

நாம் காதலிக்கும் ஒருவருக்கு உடல்நலம் பாதிக்கப்பட்டாலோ அல்லது உடல்நலம் பெரிய அளவில் பாதிக்கப்பட்டு குணமடைந்து வந்தாலோ வாழ்க்கை மாறும். அவரை பார்த்துக் கொள்வதே எனக்கு வேலையாக இருந்தது. அவரை இழந்துவிடுவோமோ என்கிற வலியை என்னால் தாங்க முடியவில்லை. இன்றும் கூட அதே வலியில் தான் இருக்கிறேன். இந்நிலையில் சிலர் என் வாழ்க்கையை வைத்து பணமும், புகழும் சம்பாதிக்கிறார்கள்.

அடுத்தவர்களின் வலியில் ஆனந்தம் அடைகிறார்கள். என் வாழ்க்கையில் நல்லது நடந்தாலும் சரி, கெட்டது நடந்தாலும் சரி அதை எப்பொழுதுமே வெளிப்படையாக தெரிவிக்கும் நேர்மையானவள் நான். நான் எதையும் மறைக்க மாட்டேன், மறைப்பதற்கு எதுவும் இல்லை. தற்போது நான் பெரிய சவாலை சந்தித்துக் கொண்டிருக்கிறேன் என்பதை தான் சொல்ல முடியும்.

இதை எப்படி தீர்ப்பது என்று பார்த்துக் கொண்டிருக்கிறேன். இது வாழ்வா, சாவா என்பது பற்றியது ஆகும். நான் மிகுந்த வேதனையில் இருக்கிறேன். என் இதயம் கனக்கிறது. அன்பு தான் நான் விரும்புவது அதை இழக்க பயமாக இருக்கிறது. என் வேலை, குழந்தைகள் பாதிக்கப்படாமல் இந்த சவாலை எதிர்கொள்கிறேன். என் வாழ்க்கையில் எப்பொழுதுமே போராட்டம் தான். இது ஒன்றும் எனக்கு புதிது அல்ல என்று தெரிவித்துள்ளார்.