சில்க் ஸ்மிதாவாக நடிக்கிறேனா?: பிரபல விஜே

80கள், 90களில் மிகவும் பிரபலமாக இருந்த கவர்ச்சிக் கன்னி சில்க் ஸ்மிதாவின் வாழ்க்கை வரலாற்றை அவள் அப்படித்தான் என்கிற பெயரில் படமாக்குகிறார்கள். கண்ணா லட்டு தின்ன ஆசையா படம் புகழ் மணிகண்டன் இயக்கும் அந்த படத்தில் பிரபல டிவி நிகழ்ச்சி தொகுப்பாளினியான அனசுயா பரத்வாஜ் சில்க் ஸ்மிதாவாக நடிக்கிறார் என்று கூறப்பட்டது.

சில்க் ஸ்மிதாவாக நடிக்கும் பிரபல விஜே: நீங்க என்ன நினைக்கிறீங்க?

இந்நிலையில் அவர் படப்பிடிப்பு தளத்தில் இருக்கும் புகைப்படங்களை இன்ஸ்டாகிராமில் வெளியிட்டு புது துவக்கங்கள், கோலிவுட் என்று தெரிவித்தார். அதை பார்த்தவர்கள் அனசுயா தான் சில்க் ஸ்மிதாவாக நடிக்கிறார் என்று முடிவே செய்துவிட்டார்கள்.

தன்னை பற்றி பலரும் பேசிக் கொண்டிருப்பதை அறிந்த அனசுயா, நான் சில்க் ஸ்மிதாகாருவாக எந்த பயோப்பிக்கிலும் நடிக்கவில்லை. நன்றி என்று ட்வீட் செய்துள்ளார்.

அனசுயாவின் ட்வீட்டை பார்த்தவர்கள், இன்ஸ்டாகிராமில் ஏன் அப்படி போஸ்ட் போட்டீர்கள், அதை பார்த்தால் சில்க் மாதிரி தான் தெரிந்தது என்று கேள்வி எழுப்பியுள்ளனர்.

சில்க் ஸ்மிதாவின் வாழ்க்கை வரலாற்றை தி டர்ட்டி பிக்சர் என்கிற பெயரில் இந்தியில் படமாக்கினார்கள். அதில் வித்யா பாலன் சில்காக நடித்திருந்தார். படத்தை பார்த்தவர்கள் சில்க் ஸ்மிதாவின் ஸ்பெஷலே அவரின் சொக்கும் கண்கள் தான், வித்யா பாலனிடம் அது மிஸ்ஸிங் என்றார்கள்.

இருப்பினும் வித்யா பாலனின் நடிப்பு பலருக்கும் பிடித்திருந்தது. படம் சூப்பர் ஹிட்டானது. ஆனால் தி டர்ட்டி பிக்சர் படத்தில் சில்க் ஸ்மிதாவின் வாழ்க்கையை ஒழுங்காக காட்டவில்லை என்கிற புகார் எழுந்தது.

சில்கின் வாழ்க்கை வரலாற்றை படமாக எடுக்க முயன்றார் நடிகர் வினு சக்ரவர்த்தி. ஆனால் அந்த முயற்சி கைகூடவில்லை. இந்நிலையில் தான் அவள் அப்படித்தான் படம் உருவாகிறது.