நான் இன்னமும் பாஜகவில் தான் இருக்கிறேன்: அந்தர் பல்டி அடித்த காயத்ரி ரகுராம்!

நான் அரசியலில் இருந்து விலகவில்லை என்றும், இன்னமும் பாஜகவில் தான் இருக்கிறேன் என்றும் நடிகை காயத்ரி ரகுராம் தெரிவித்துள்ளார் என்பது குறிப்பிடத்தக்கது.

ஒரு காலத்தில் தமிழ் சினிமாவில் தொடர்ந்து பல படங்களில் நடித்து வந்தவர் நடிகை காயத்ரி. நடன இயக்குனராகவும் திகழ்கிறார். பிக் பாஸ் முதல் சீசனில் கலந்து கொண்டு ரசிகர்களிடையே விமர்சனத்தை பெற்றுக் கொண்டார். சினிமாவைத் தொடர்ந்து அரசியலில் பாஜக கட்சியில் இருந்து ஆதரவு தெரிவித்து வந்தார். அண்மையில், காயத்ரிக்கும், தமிழக பாஜக தலைவர் தமிழிசை சவுந்தரராஜனுக்கும் இடையில் கருத்து வேறுபாடு ஏற்பட்டுள்ளதாக கூறப்படுகிறது.

நம்மையே ஜோக்கரா மாத்திடுவாங்க: அரசியலில் இருந்து விலகியதாக காயத்ரி ரகுராம் அறிவிப்பு!

இதையடுத்து, கடந்த சில தினங்களுக்கு முன்பு அரசியலில் இருந்து விலகுவதாக அறிவித்தார். அரசியலில் இருந்து விலகி வெளியில் இருந்து கொண்டு எல்லாவற்றையும் கற்றுக்கொள்ள ஆசைப்படுகிறேன். அதற்காக கொஞ்சம் இடைவெளி தேவைப்படுகிறது. நான் எந்தக் கட்சியையும் ஆதரிக்கப் போவது இல்லை என்று அவர் குறிப்பிட்டுள்ளார் என்பது குறிப்பிடத்தக்கது.

இந்த நிலையில், நான் அரசியலில் இருந்து விலகவில்லை என்றும், இன்னமும் பாஜகவில் தான் இருக்கிறேன் என்றும், அரசியல் பற்றி கற்றுக்கொள்ள இடைவெளி எடுத்துக்கொண்டேன் என்றும் தெரிவித்துள்ளார் என்பது குறிப்பிடத்தக்கது.