நீச்சல் சாம்பியன் கீர்த்தி சுரேஷுக்கு குவியும் பிறந்தநாள் வாழ்த்து!

தேசிய விருது பெற்ற நடிகை கீர்த்தி சுரேஷ் இன்று தனது 27 ஆவது பிறந்தநாளை கொண்டாடுகிறார். அவருக்கு பிரபலங்கள் பலரும் தங்களது வாழ்த்துக்களை தெரிவித்து வருகின்றனர். சமயம் தமிழ் சார்பில் நாமும் பிறந்தநாள் வாழ்த்து தெரிவிப்பதோடு, அவரைப் பற்றி இங்கு தெரிந்து கொள்வோம்…

நீச்சல் சாம்பியன்

சினிமாவில் பிரபலமாக இருப்பதைத் தவிர, பள்ளியில் படிக்கும் போதே நீச்சல் சாம்பியனாக இருந்துள்ளார். முறையாக பயிற்சி பெற்று, பல போட்டிகளில் வெற்றி பெற்றுள்ளார். ஒரு வேலை சினிமாவிற்குள் வராமல் இருந்திருந்தால் நீச்சல் வீராங்கனையாகக் கூட வந்திருக்க வாய்ப்பிருக்கிறது.

உடற்பயிற்சி

தினந்தோறும் உடற்பயிற்சி செய்வதை வழக்கமாக கொண்டுள்ளார். மேலும், யோகா பயிற்சியும்செய்கிறார். உடலை கட்டுக்கோப்பாக வைத்துக்கொள்ள சைவ உணவுகளை எடுத்துக்கொள்கிறார்.

பேஷன் டிசைனர்

சென்னையில் அங்கீகரிக்கப்பட்ட இன்ஸ்டிட்டியூடில் பேஷன் டிசைனிங் படித்து முடித்துள்ளார். மேலும், டிசைனிங் கோர்ஸ் படிப்பதற்காக ஸ்காட்லாந்தும் சென்றுள்ளார். அங்கிருந்து தாயகம் திரும்பியதும், சொந்தமாக பேஷன் டிசைனிங் தொடங்க வேண்டும் என்று திட்டமிட்டுள்ளார். ஆனால், விதி அவரை நடிகையாகிவிட்டது.

ஹாட்ரிக் சாதனை

கடந்த 2000 ஆம் ஆண்டு வந்த ராஜீவ் அஞ்சாலின் பைலட் படத்தின் மூலம் சினிமாவில் குழந்தை நட்சத்திரமாக அறிமுகமானார். இப்படத்தைத் தொடர்ந்து வந்த அச்சநேயநேனிக்கிஸ்டம் மற்றும் குபேரன் ஆகிய படங்கள் அடுத்தடுத்து சூப்பர் ஹிட் படங்களாக அமைந்தன.

கீர்த்தி சுரேஷின் பிறந்தநாளை முன்னிட்டு, சினிமா பிரபலங்கள் பலரும் தங்களது வாழ்த்துக்களை தெரிவித்து வருகின்றனர் என்பது குறிப்பிடத்தக்கது.