வலிமை படத்தின் டீசர் எப்போது தெரியுமா?

2019 ஆம் ஆண்டில் வெளியான, நேர்கொண்ட பார்வை படத்திற்கு பிறகு, எச். வினோத் இயக்கியக்கத்தில், அஜித் குமார், நடித்திருக்கும் படம் 'வலிமை'.

இப்படத்தில், ஷ்ரத்தா ஸ்ரீநாத், அபிராமி வெங்கடாசலம் மற்றும் ஆண்ட்ரியா போன்றோர்கள் நடித்துள்ளார்கள். அஜித்திற்க்கு ஜோடியாக ஹூமா குரேஷி, அம் பாக சுமித்ரா மற்றும் வில்லனாக கார்த்திகேயா உள்பட பலர் நடித்துள்ள இந்த படத்திற்கு யுவன் சங்கர் ராஜா இசை அமைத்துள்ளார். இந்த படத்தை மிகுந்த பொருட்செலவில் போனிகபூர் தயாரித்து வருகிறார்..

வலிமை படத்தில் போலீஸ் ஐபிஎஸ் ஆக நடித்துள்ள அஜித், போலீஸ் கேரக்டருக்காக வெயிட்டை குறைத்துள்ளார். படத்தில் அஜித்தின் பெயர் அர்ஜுன் எனவும் கூறப்படுகிறது. இப்படத்தில் வில்லனாக தெலுங்கு நடிகர் கார்த்திகேயா கும்மகொண்டா நடித்துள்ளார். அஜித்தின் ரசிகரான கார்த்திகேயா, தன்னுடைய ஃபேவரிட் தலயுடன் நடிக்க விரும்பி இப்படத்தில் நடித்துள்ளார். இப்போது இவர் நடிகர் அஜித்திற்கு வில்லனாக நடித்து தமிழில் அறிமுகமாக இருக்கிறார்.
எம்.ஜி.ஆரின் பிறந்த நாளை ஒட்டி 'தலைவி' படத்தின் புதிய ஸ்டில் வெளியீடு!
இப்படத்தில், நடிகர் அதர்வா நடித்த 'நூறு' படத்தின் வில்லன், ராஜ் அய்யப்பன் அஜித்தின் தம்பியாக நடிக்கிறார். மேலும், ‘வடசென்னை பாவெல் நவகீதன், காமெடிக்கு யோகிபாபு, புகழ் என பலரும் நடித்து இருக்கிறார்கள்.'தீரன்' படத்தில் இந்தி, மராத்தி நடிகர்களை அறிமுகப்படுத்தியது போல, இதிலும் பல மாநில நடிகர்களை பயன் படுத்தியிருக்கிறார் இயக்குநர் எச். வினோத்.

மேலும் இப்படத்திற்கு நீரவ்ஷா ஒளிப்பதிவு செய்ய, நேர்கொண்ட பார்வை டெக்னீஷியன் டீமே இப்படத்திலும் பணியாற்றி உள்ளார்கள். இப்படத்தில் தாயின் அன்பை உணர்த்தும் பாடல் ஒன்றைக் கொடுத்துள்ளாராம் யுவன். இது தவிர படத்தில் விக்னேஷ் சிவன் ஒரு பாடலை எழுதி இருக்கிறார் என்பது குறிப்பிடத்தக்கது.

இந்நிலையில் வலிமை' படத்தின் அப்டேட் கேட்டு கடந்த ஒரு வருடங்களாக அஜித் ரசிகர்கள் சமூக வலைதளங்களில் வேண்டுகோள் விடுத்து வருகிறார்கள். முன்னர் வெளியாகிய தகவலின்படி 'வலிமை படத்தின் ஒட்டு மொத்த படப்பிடிப்பும் முடிந்தவுடன் தான் பர்ஸ்ட் லுக் போஸ்டர் ரிலீஸ்' ஆகும் என்றும், அதன் பின்னர் ரசிகர்களை தொடர்ந்து குஷிப்படுத்தும் விதமாக அடுத்தடுத்து அப்டேட்டுகள் தொடர்ந்து படத்தின் ரிலீஸ் வரை வெளிவந்து கொண்டிருக்கும் என்ற தகவல்கள் வெளியாகி இருந்தது.

சோனு சூட் தையல் கடை: வைரல் ஆகும் வீடியோ!
இப்படியான நிலையில், வருகிற ஏப்ரல் 14ஆம் தேதி அதாவது தமிழ்ப்புத்தாண்டு தினத்தில் வலிமை படத்தின் டீசர் வெளியாக இருப்பதாக தற்போது ஒரு தகவல் ஒன்று வெளியாகி உள்ளது. விரைவில் இதுகுறித்த அதிகாரப்பூர்வ தகவல் வெளியாகும் என்று தெரிகிறது.

மேலும், தற்போது இறுதிக்கட்டத்தை எட்டியுள்ள வலிமை படப்பிடிப்பு குஜராத்திலுள்ள பாவ்நகரில் விரைவில் தொடங்குகிறது. அங்கு 3 வாரங்கள் நடக்க உள்ளது. அதோடு வலிமை படப்பிடிப்பு நிறைவடைந்து விடும் என்றும் தகவல்கள் வெளியாகியுள்ளன.