‘விவேகம்‘ படத்தை 2000 தியேட்டர்களில் திரையிட படக்குழு திட்டம்!

கோலிவுட்டே ஆச்சரியப்படும்படியாக ‘விவேகம்’ படத்தை 2000 தியேட்டர்களில் ரிலீஸ் செய்ய திட்டமிட்டு வருகின்றனர்.

நடிகர் அஜீத் நடித்து வரும் ‘விவேகம்‘ வரும் ஆகஸ்ட் மாதம் 10ம் தேதி வெளியாகவுள்ளது. அதாவது படம் வெளியாவது கிட்டத்தட்ட உறுதியாகிவிட்ட நிலையில் இந்த படத்தை ஒரே நாளில் தமிழ்நாடு, கேரளா, தெலுங்கு மாநிலங்கள், கர்நாடகம் மற்றும் வட இந்தியாவில் ரிலீஸ் செய்ய திட்டமிடப்பட்டு வருகிறது.

கேரளா மற்றும் கர்நாடகாவில் நேரடியாக தமிழில் வெளியாகவுள்ள இந்த படத்தின் தெலுங்கு மற்றும் இந்தி டப்பிங் பணிகளும் விறுவிறுப்பாக நடைபெற்று வருகிறது.

‘வேதாளம்‘ வெற்றி படத்திற்கு பின்னர் அஜீத்தின் மார்க்கெட் தென்னிந்தியா மட்டுமின்றி வட இந்தியாவிலும் பரவியுள்ளதால் இந்த படம் மூன்று மொழிகளில் உலகம் முழுவதும் சுமார் 2000 திரையரங்குகளில் வெளியிட திட்டமிடப்பட்டுள்ளதாக தெரிகிறது. இதனை கேள்விப்பட்டு கோலிவுட் திரையுலகம் ஆச்சரியத்தின் உச்சத்தில் உள்ளது.