அஜித்தை ஃபாலோ பண்ணும் சிவகார்த்திகேயனின் மிஸ்டர் லோக்கல்: மாஸ் சீன்ல மஜா நம்ம தல தான்!

நடிகர் சிவகார்த்திகேயன் நடிப்பில் உருவாகியுள்ள மிஸ்டர் லோக்கல் படம் இன்று உலகம் முழுவதும் வெளியாகியுள்ளது.

இயக்குனர் எம் ராஜேஷ் இயக்கத்தில் சிவகார்த்திகேயன், நயன்தாரா ஆகியோர் முன்னணி ரோலில் நடித்துள்ள படம் மிஸ்டர் லோக்கல். இதற்கு முன்னதாக இருவரும் இணைந்து வேலைக்காரன் படத்தில் நடித்திருந்தனர் என்பது குறிப்பிடத்தக்கது. இந்த ஆண்டில் சிவகார்த்திகேயனின் முதல் படமாக மிஸ்டர் லோக்கல் வெளியாகியுள்ளது. ஆனால், நயன்தாராவிற்கு அப்படியில்லை. அஜித்துடன் இணைந்து நடித்த விஸ்வாசம் படம் வெளியாகி ரசிகர்களிடையே விமர்சன ரீதியாகவும், வசூல் ரீதியாகவும் நல்ல வரவேற்பு பெற்றது.

இந்த நிலையில், இன்று வெளியாகியுள்ள மிஸ்டர் லோக்கல் படத்தில், அஜித்தின் ரசிகர்களை கவரும் வகையில், நமக்கு நம்ம தல தான் முக்கியம், ஹெல்மெட் விழிப்புணர்வு போன்ற காட்சிகள் இடம்பெற்றுள்ளது. மேலும், விஸ்வாசம் படத்தில் அஜித் ஹெல்மெட் அணிந்தபடி, பைக்கில் வந்து அனிகாவை காப்பாற்றியிருப்பார்.

அந்தக் காட்சியின் போது மழை பெய்தது. அதே போன்று, சிவகார்த்திகேயனின், மிஸ்டர் லோக்கல் படத்திலும் சிவகார்த்திகேயன் ஹெல்மெட் அணிந்து பைக்கில் வருவது போன்றும், மழை பெய்வது போன்று காட்சி அமைக்கப்பட்டுள்ளது. இதனையெல்லாம் வைத்து பார்க்கும் போது, சிவகார்த்திகேயனுக்கு அஜித் ரசிகர்களின் ஆதரவு அதிகரிக்கும் என்று எதிர்பார்க்கப்படுகிறது.