'இந்தியன் 2' படப்பிடிப்பின் அறிவிப்பு வெளியானது.!

1996 ஆம் ஆண்டில் வெளியான 'இந்தியன்' திரைப்படத்தின் தொடர்ச்சியாக, ‘இந்தியன் 2’ வரவிருக்கிற இந்தியத் தமிழ்த் திரைப்படம் ஆகும். இந்தியன் 1ல் கமல்ஹாஸன் இரட்டை வேடத்தில் நடித்து பெரிதும் வெற்றிபெற்ற திரைப்படமாகும்.

கமல் புகழ்பெற்ற இந்தியத் திரைப்பட நடிகர் ஆவார்.மேலும் திரைப்பட தயாரிப்பாளர், திரைப்பட இயக்குனர், திரைக்கதை, பின்னணி பாடகர், பாடலாசிரியர், தொலைக்காட்சி தொகுப்பாளர் மற்றும் அரசியல்வாதியும் ஆவார்.

கமல்ஹாசன் சிறந்த குழந்தை நட்சத்திரம் மற்றும் சிறந்த நடிகர் என்ற முறையில் 4 தேசிய விருதுகளும், சிறந்த படம் என்ற முறையில் தயாரிப்பாளராக 1 தேசிய விருதும், 10 தமிழக அரசு திரைப்பட விருதுகள்கள், 4 ஆந்திர அரசின் நந்தி விருதுகள், 19 பிலிம்பேர் விருதுகள் உள்ளடங்கலாக பல இந்திய விருதுகளை வென்றுள்ளார்.

இந்திய திரைத்துறைக்கு ஆற்றிய பணிக்காக 'பத்ம பூசண்', 'பத்மஸ்ரீ விருதும் அவருக்கு வழங்கப்பட்டுள்ளது. அத்துடன் சத்தியபாமா பல்கலைக்கழகம் கமல்ஹாசனிற்கு கௌரவ முனைவர் பட்டம் வழங்கி கௌரவித்தது.

1960 ஆம் ஆண்டில் தமிழில் வெளிவந்த களத்தூர் கண்ணம்மா எனும் திரைப்படத்தில் குழந்தை நட்சத்திரமாக அறிமுகமானார். இந்தத் திரைப்படத்தில் நடித்தற்காக ஜனாதிபதி விருது பெற்றார் என்பது குறிப்பிடத்தக்கது.

Kamal Haasan முத்திப் போன மோதல்: கைவிடப்பட்ட இந்தியன் 2?

இந்தியன் 1ல் ஷங்கர் இயக்கத்தில் வெளிவந்த இத்திரைப்படத்தில் கமல்ஹாசன், மனிஷா கொய்ராலா, சுகன்யா, நாசர், கவுண்டமணி, செந்தில் மற்றும் பலரும் நடித்துள்ளனர். ஏ. எம். ரத்னம் தயாரிப்பில் உருவான இத்திரைப்படத்தை ஸ்ரீ சூர்யா மூவீஸ் வெளிவிட்டது.

தற்போது 'இந்தியன் 2' படத்தில் கமல்ஹாசன் மற்றும் காஜல் அகர்வால் முன்னணி கதாபாத்திரங்களில் நடிக்கின்றனர். இப்படத்தில் சேனாதிபதியாக கமல்ஹாசன் தொடர்கிறார். ரகுல் ப்ரீத் சிங், சித்தார்த், நெடுமுடி வேணு, பாபி சிம்ஹா, விவேக் உள்ளிட்ட பலர் நடித்து வருகிறார்கள். அனிருத் பாடல்களுக்கும், பின்னணிக்கும் இசையமைக்க உள்ளார். ஆர். ரத்னவேலு ஒளிப்பதிவு செய்ய இருக்கிறார். ஸ்ரீகர் பிரசாத் படத்தொகுப்பினைச் செய்கிறார்.

இப்படம் இயக்குநர் ஷங்கரின் இயக்கத்தில், சுபாஷ்கரன் அல்லிராஜாவின் லைக்கா தயாரிப்பகம் இத்திரைப்படத்தை தயாரிக்கிறது. கொரோனா அச்சுறுத்தலுக்குப் பின் படப்பிடிப்புக்கு அனுமதி அளிக்கப்பட்டாலும், இன்னும் படப்பிடிப்பு தொடங்கப்படவில்லை. பிக் பாஸ் நிகழ்ச்சி, ‘விக்ரம்’ படப்பிடிப்பு என கமல் பிஸியாகிவிட்டதால், ‘இந்தியன் 2’ படப்பிடிப்பு எப்போது என்பது கேள்வி எழுப்பப்பட்டது.

தற்போது லைகா நிறுவனம் பிப்ரவரியில் படப்பிடிப்பைத் தொடங்கத் திட்டமிட்டு இருப்பது உறுதியாகியுள்ளது. இதற்காக ப்ரியா பவானி சங்கர் உள்ளிட்ட சில பேரிடம் பிப்ரவரியில் தேதிகள் வைத்துக் கொள்ளுமாறு தெரிவித்துள்ளனர். இதன் மூலம் ‘இந்தியன் 2’ படப்பிடிப்பு பிப்ரவரியில் தொடங்கவுள்ளது உறுதியாகிறது.

சட்டப்பேரவைக்கான தேர்தல் பிரச்சாரத்தில் கமல் மும்முரமாக இருப்பதால், இந்தப் படப்பிடிப்பில் கமல் கலந்துகொள்ள மாட்டார் எனத் தெரிகிறது. அவர் இல்லாமல் உள்ள சில முக்கியமான காட்சிகளைப் படமாக்கத் திட்டமிட்டுள்ளார் ஷங்கர்.