தன் தங்கையை ஹீரோயினியாக்கும் இனியா!

நடிகை இனியா, தன் தங்கை தாராவை ‘கிளம்பிட்டாங்கய்யா கிளம்பிட்டாங்கய்யா‘ என்ற படம் மூலம் ஹீரோயினியாக்கியுள்ளார்.

தமிழில் ‘வாகை சூடவா’ படம் மூலம் ஹீரோயினியாக அறிமுகமானவர் நடிகை இனியா. இந்தப் படத்தில் கிராமத்துப் பெண்ணாக நடித்திருந்தார். அதன் பின் மாடர்ன் பெண்ணாக மாறி ‘அம்மாவின் கைபேசி,’ ‘மவுனகுரு’, ‘யுத்தம் செய்’, ‘சென்னையில் ஒரு நாள்’, ‘புலிவால்’, ‘நான் சிகப்பு மனிதன்’ உட்பட பல படங்களில் நடித்தார். தற்போது பொட்டு படத்தில் நடித்துள்ளார்.

தற்போது இவரது தங்கை தாராவை ‘கிளம்பிட்டாங்கய்யா கிளம்பிட்டாங்கய்யா’ என்ற படம் மூலம் ஹீரோயினியாக அறிமுகப்படுத்துகிறார். இந்தப் படம் பற்றி தங்கை தாரா கூறுகையில், ‘‘அக்கா இனியா சினிமாவில் தனக்கென ஒரு பெயரை தக்கவைத்திருக்கிறார். அவரது வழியில் நானும் நடிக்க வந்துவிட்டேன். கிளம்பிட்டாங்கய்யா கிளம்பிட்டாங்கய்யா படத்தில் காட்டுவாசி பெண்ணாக மன்சூர் அலிகான் மகளாக நடிக்கிறேன். மேலும் தமிழ் சினிமாவில் என் அக்காவைப் போல், . நானும் நல்லதொரு இடத்தை பிடிப்பேன்’’ என்றார்..