1 பரத் நடிப்பில் திருவிளையாடல்
தனுஷ் நடிப்பதற்கு முன்னால் இந்த படத்தில் நடிக்க வேண்டியது பரத் தான். ஆம். பூபதி பாண்டியன் முதன்முதலில் இந்த கதையை பரத்திடம் கூறியிருக்கிறார். முதலில் ஒன் லைன் கேட்டிருந்த பரத், முழு கதையையும் கேட்டு, இந்த படத்தில் நடிக்க ஆர்வமில்லை என கூறிவிட்டாராம். இதைத் தொடர்ந்துதான் தனுஷிடம் கதையை கூறி ஓகே வாங்கியிருக்கிறார் பாண்டியன். பரத் நடித்திருந்தால் இந்த படம் எப்படி இருந்திருக்கும் என யோசிக்கிறீர்கள் தானே?
2 நவீன திருவிளையாடல்
இந்த படத்துக்கு ஆரம்பத்தில் திருவிளையாடல் என பெயரிட்டிருந்தது உங்களில் பலருக்கு நினைவிருக்கலாம். ஆனால் ஏற்கனவே சிவாஜி நடிப்பில் அதே பெயரில் மாபெரும் வெற்றிப் படம் ஒன்று இருந்ததால், அந்த பெயரை கெடுக்கவேண்டாம் என நினைத்து நவீன திருவிளையாடல் என பெயர் வைத்தார்களாம். பின் அதுவும் வேண்டாம் என்று, திருவிளையாடல் ஆரம்பம் என பெயர் சூட்டியுள்ளனர்.
3 தனுஷ் அப்பா
தனுஷுக்கு அப்பாவாக இந்த படத்தில் நடித்திருந்த மௌலி மிகவும் ஜாலியாகவும், பொறுப்பான அப்பாவாகவும் நடித்திருப்பார். அப்பா அம்மான்னா ஹார்லிக்ஸ் போட்டு குடுக்கணும், போலீஸ் கிட்ட போட்டுக் குடுக்கக்கூடாது என்கிற டயலாக் கூட வருமே.
இந்த கதாபாத்திரத்தில் நடிக்க முதலில் கே பாக்யராஜை மனதில் வைத்துதான் கதை எழுதியிருக்கிறார் பூபதி பாண்டியன். ஆனால் படம் தாமதமாகியதால் அவருக்கு பதில் மௌலியை நடிக்க வைத்துள்ளார்.
4 பாதியில் வெளியேறிய ஷ்ரேயா
திருவிளையாடல் படத்தில் ஷ்ரேயா மிக அழகான கதாநாயகியாக காட்டப்பட்டிருப்பார். அதிலும் தனுஷ் பெட் கட்டி, ஷ்ரேயாவை காதலில் வீழ்த்துவார். அந்த காட்சிகள் மிகவும் சுவாரசியமாக இருக்கும். பல காட்சிகள் எடுக்கப்பட்ட பிறகு ஷ்ரேயா திடீரென படத்திலிருந்து வெளியேற நினைத்தார் என தகவல் வெளியானது. அந்த நேரத்தில் அவருக்கு ரஜினி ஜோடியாக, சிவாஜி படத்தில் நடிக்க கிடைத்த வாய்ப்பு காரணமாக ஷ்ரேயா வெளியேற நினைத்தாராம்.
பின்னர் ரஜினி படத்தின் ஷூட்டிங்கில் கலந்துகொண்ட ஷ்ரேயா, கிடைத்த இடைவெளிகளில் இந்த படத்தில் நடித்து கொடுத்தாராம். இதனால் படமும் சிறப்பாக முடிவடைந்தது.
5 ரீமேக்
ஒரு மொழியில் வெற்றிப் பெற்ற திரைப்படம் பல்வேறு மொழிகளில் ரீமேக் செய்யப்படும். அந்த வகையில், 6 மொழிகளில் இந்த படம் ரிமேக் செய்யப்பட்டது. தெலுங்கு, கன்னடம், பர்மீஸ், வங்க மொழி, வங்கதேச மொழி, ஒடியா ஆகிய மொழிகளில் படம் ரீமேக்கானது.