ஜீவா நடிக்கும் 'கவலை வேண்டாம்' பட புது டீசர்

சென்னை: ஜீவா மற்றும் காஜல் அகர்வால் ஜோடி சேர்ந்து நடித்துள்ள 'கவலை வேண்டாம்' படத்தின் புதிய டீசர் வெளியாகியுள்ளது.

ரொமேண்டிக் காமெடி படமான 'கவலை வேண்டாம்' படத்தை தீகே இயக்கியுள்ளார். இப்படம் வருகிற நவ.24ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. தற்போது இப்படத்தின் புதிய டீசர் ஒன்றை படக்குழு வெளியிட்டுள்ளது.
Here is the super fun second teaser of @kavalai_vendam @deekay06 @MsKajalAggarwal @RJ_Balaji @leon_james #KavalaiVendam @elredkumar pic.twitter.com/dqgz2VjjsL — J (@Actorjiiva) November 17, 2016 காஜல் அகர்வால், சுனைனா முன்னணி கதாநாயகிகளாக நடித்துள்ள இப்படத்தில் ஸ்ருதி ராமகிருஷ்ணன், ஆர்.ஜே.பாலாஜி, கருணாகரன், பாபி சிம்ஹா, மந்த்ரா, மயில்சாமி உள்ளிட்டோர் இணைந்து நடித்துள்ளனர்.

இப்படம் 'எந்தவருக்கு இ பிரேமா' எனும் பெயரில் தெலுங்கில் டப் செய்யப்பட்டுள்ளது. சமீபத்தில் வெளியான இப்படத்தின் டிரைலரும், இசையும் ரசிகர்களிடையே நல்ல வரவேற்பை பெற்றது. முன்னதாக இப்படத்தை அக்.7ஆம் தேதி வெளியிட படக்குழு திட்டமிட்டிருந்தது குறிப்பிடத்தக்கது.