‘இப்படை வெல்லும்’ படத்துக்கு கிடைத்த ‘யு/ஏ’ சான்றிதழ்!

உதயநிதி ஸ்டாலின் நடிப்பில் உருவான ‘இப்படை வெல்லும்’ படத்துக்கு சென்சார் போர்டு யு/ஏ சான்றிதழ் வழங்கியுள்ளது.

நடிகரும் தயாரிப்பாளருமான உதயநிதி ஸ்டாலின் இதுவரை பல படங்கள் தன்னுடைய சொந்த தயாரிப்பு நிறுவனத்தில் மூலம் நடித்து வந்தார். முதன் முறையாக தற்போது வெளி தயாரிப்பு நிறுவனமான லைகா நிறுவனத்தில் ஒரு படத்தில் நடித்து வருகிறார்.

இதன்படி லைகா நிறுவனத்தின் தயாரிப்பில் உதயநிதி ஸ்டாலின் நடித்து வரும் திரைப்படம் ‘இப்படை வெல்லும்‘. இந்தப் படத்தை கவுரவ் நாராயணன் இயக்கிவருகிறார். இந்தப் படத்தின் படப்பிடிப்பு மற்றும் போஸ்ட் புரடெக்ஷன்ஸ் பணிகள் முடிந்துவிட்ட நிலையில் படத்தை சென்சாருக்கு அனுப்பி வைத்தனர். படத்தைப் பார்த்த சென்சார் அதிகாரிகள் படத்தில் ஒரு காட்சியை கூட நீக்காமல் படத்திற்கு யு/ஏ சான்றிதழ் வழங்கியுள்ளனர்.

‘இப்படை வெல்லும்’ படத்தில் உதயநிதி ஸ்டாலினுடன் மஞ்சிமாமோகன், ராதிகா, சூரி, டேனியல் பாலாஜி, ஆர்.கே.சுரேஷ் உள்பட பலர் நடித்துள்ளனர். இந்த படத்திற்கு டி.இமான் இசையமைத்துள்ளார்.