மே 4ல் வெளியாகும் ‘இருட்டு அறையில் முரட்டு குத்து’!

கவுதம் கார்த்திக் நடிப்பில் உருவான ‘இருட்டு அறையில் முரட்டு குத்து’ படம் மே 4ம் தேதி வெளியாகவுள்ளது.

சந்தோஷ் ஜெய்குமாரின் இயக்கத்தில் உருவாகியுள்ள படம் ‘இருட்டு அறையில் முரட்டு குத்து’. இந்த நிலையில் தற்போது இந்த படத்தின் வெளியீட்டு தேதி அறிவிக்கப்பட்டுள்ளது. இந்த படம் வரும் மே 4ஆம் தேதி ரிலீஸ் ஆவதாக செய்திகள் வெளிவந்துள்ளது. ஆனால் தயாரிப்பாளர் சங்கத்தில் இருந்து வெளிவந்த ஒரு செய்தி குறிப்பில் மே 4ஆம் தேதி ரிலீஸ் ஆகும் படங்கள் இன்னும் இறுதி செய்யப்படவில்லை என்று தெரிவிக்கப்பட்டுள்ளது. இருப்பினும் படக்குழுவினர் இந்த படம் மே 4ல் ரிலீஸ் ஆகும் என்று உறுதிபட கூறியுள்ளனர்

இந்தப் படத்தில் கவுதம் கார்த்திக், வைபவி, ஷா ரா, யாஷிகா, கருணாகரன், ராஜேந்திரன், பால சரவணன், ஜான்விஜய், மதுமிதா உள்பட பலர் நடித்துள்ளனர். இந்தப் படத்துக்கு பாலமுரளி பாலு இசையமைத்துள்ளார். ஸ்டுடியோக்ரீன் சார்பில் ஞானவேல்ராஜா இந்தப் படத்தை தயாரித்துள்ளார்.