‘மிஸ் இந்தியா எர்த்’ பட்டம் பெற்ற நடிகையை காதலிக்கும் விஜய்யின் தம்பி!?

‘ஜில்லா’ படத்தில் விஜய்யின் தம்பியாக நடித்த மஹத், ‘மிஸ் இந்தியா எர்த்’ பட்டம் பெற்ற நடிகை பிராச்சி மிஷ்ராவை காதலித்து வருவதாக கூறப்படுகிறது.

விஜய் நடித்த ‘ஜில்லா’ படத்தில் அவருக்கு தம்பியாக நடித்தவர் மஹத். அவர் அஜீத்துடன் ‘மங்காத்தா’ படத்திலும், சிம்புவின் ‘ஏஏஏ’ படத்திலும், மற்றும் ‘சென்னை 28’ உட்பட பல படங்களில் நடித்துள்ளார். சில வருடங்கள் முன்பு இவர் நடிகை டாப்ஸியை காதலித்து வந்தார், ஆனால் அது பிரேக்அப் ஆனது.

இந்நிலையில் தற்போது மஹத் 2012ல் மிஸ் இந்தியா எர்த் பட்டம் வென்ற பிராச்சி மிஷ்ரா என்ற நடிகையுடன் காதலில் உள்ளதாக கூறப்படுகிறது. ஒரு வருடத்திற்கு முன்பு துபாயை சேர்ந்த அந்த நடிகையை மஹத் ஒரு விழாவில் சந்தித்துள்ளார். நட்புடன் ஆரம்பித்த அவர்களுடைய பழக்கம் பின்னர் காதலாக மலர்ந்துள்ளது. இருவரும் தற்போது ஒன்றாகவே பல இடங்களில் சுற்றுவதாக கூறப்படுகிறது. சமீபத்தில் இருவரும் ஒன்றாக ஆஸ்திரேலியாவிற்கு விடுமுறைக்காக சென்றதாகவும் தெரிகிறது.