அமலா பாலுக்கு உண்மையிலேயே இரண்டாவது திருமணம் நடந்ததா?

நடிகை அமலா பாலுக்கும் அவரது காதலர் பவனீந்தர் சிங் என்பவருக்கும் ரகசியமாக திருமணம் முடிந்துவிட்டது என கூறி நேற்று இணையத்தில் சில புகைப்படங்களும் வைரலானது.

அந்த புகைப்படங்களை பவனீந்தர் சிங் தான் சமூக வலைதளங்களில் வெளியிட்டார் என்றும் அதன் பிறகு சில நிமிடங்களில் நீக்கிவிட்டார் என்றும் கூறப்பட்டது.

காட்டுத்தீ போல அந்த புகைப்படங்கள் இணையம் முழுவதும் பரவிய நிலையில் தற்போது அவர்கள் திருமணம் பற்றிய செய்தி உண்மையில்லை என தகவல் வெளியாகியுள்ளது.

இதுபற்றி பேசியுள்ள அமலா பாலின் மேனேஜர் அவர்களுக்கு திருமணம் ஆகவில்லை, அந்த புகைப்படங்கள் உண்மையில் ஒரு போட்டோஷுட்டில் எடுக்கப்பட்டவை என கூறியுள்ளார்.

அமலா பால் மதராசபட்டினம் புகழ் இயக்குனர் ஏ.எல்.விஜய்யை காதலித்து திருமணம் செய்துகொண்டார். அதன் பிறகு சில வருடங்களில் கருத்து வேறுபாடு காரணமாக இருவரும் பிரிந்துவிட்டனர். அதன் பிறகு விஜய் வேறொரு பெண்ணை திருமணம் செய்துகொண்டார்.

நானும் ஒருவரை காதலித்து வருகிறேன் என வெளிப்படையாக அந்த சமயத்தில் பேட்டி அளித்தார் அமலா பால். ஆனால் அது யார் என்பது பற்றி எந்த தகவலையும் அவர் வெளியிடவில்லை.

சில வாரங்கள் முன்பு அவரது காதலர் மும்பையை சேர்ந்த பவனீந்தர் சிங் என்ற பாடகர் தான் என தகவல் பரவியது. சில புகைப்படங்களும் வைரல் ஆனது. இந்த நிலையில் தான் நேற்று இருவரின் திருமண புகைப்படங்களும் லீக் ஆகி இணையத்தில் பரவி வருகிறது.