Vishal Anisha Marriage: விஷால் திருமணம் நின்றதா? நிச்சயதார்த்த புகைப்படங்களை நீக்கியதால் பரபரப்பு!

தமிழில் முன்னணி நடிகர், தென்னிந்திய நடிகர் சங்கத்தின் செயலாளராக இருந்த விஷால், நடிகர் சங்கத்தின் கட்டிடம் முடித்த பிறகுதான் திருமணம் செய்துக்கொள்ளப் போவதாக தெரிவித்திருந்தார். இந்த நிலையில், கடந்த சில மாதங்களுக்கு முன்பு ஹைதராபாத்தைச் சேர்ந்த அனிஷா அல்லா ரெட்டி என்பவருடன் அவருக்கு திருமணம் நிச்சயதார்த்தம் நடைபெற்றது.

தெலுங்குப் படங்களில் துணை நடிகையான அனிஷா அல்லா ரெட்டியை பார்த்ததும் காதலில் விழுந்துவிட்டதாக தெரிவித்தார் நடிகர் விஷால். ஆந்திர தொழிலதிபரின் மகள் அனிஷாவை திருமணம் செய்ய இருந்தார் விஷால். அமெரிக்காவில் பட்டப்படிப்பு முடித்துள்ள அனிஷா, விஜய் தேவரகொண்டா நடித்த அர்ஜுன் ரெட்டி படத்தில் முக்கிய கதாபாத்திரத்தில் நடித்து புகழ் பெற்றார். விஷாலும், அனிஷாவும் ஒருவரையொருவர் பாராட்டி சமூக வலைதளங்களில் போஸ்ட் போட்டிருந்தார்கள்.

Also Read This: விஷால் – அனிஷா அல்லா ரெட்டி திருமண நிச்சயதார்த்தம்!

மேலும் படிக்க: Dhanush: அசுரன் 2ஆவது லுக் போஸ்டர்: அதிர வைக்கும் வெற்றி மாறன் – தனுஷ் கூட்டணி!

அவர்களின் திருமணம் அக்டோபர் மாதம் நடக்கும் என்று நிச்சயிக்கப்பட்டது. ஆனால் தற்போது இரண்டு பக்கமும் திருமண வேலையை துவங்க ஆர்வம் காட்டவில்லை என்று சொல்லப் படுகிறது. இதனால் திருமணம் நின்று போனதாக கோலிவுட் வட்டாரத்தில் செய்திகள் பரவி வருகின்றன. இந்நிலையில், மணப்பெண் அனிஷா தனது இன்ஸ்டாகிராம் பக்கத்தில் இருந்த விஷால் புகைப்படங்கள், நிச்சயதார்த்த புகைப்படங்கள் அனைத்தையும் நீக்கியுள்ளார். இந்த செயலால் திருமணம் நின்றுவிட்டது என்ற சந்தேகம் விஷால் ரசிகர்களுக்கும் எழுந்துள்ளது.

இதையும் படிங்க: கென்னடி கிளப் திரைவிமர்சனம்!

திருமண விவகாரம் பற்றி இருவீட்டாரும் இதுவரை எந்த ஒரு தகவலும் தெரிவிக்கவில்லை. விஷாலும் கூட தற்போது படங்களில் பிசியாக நடித்து வருகிறார். விஷால், அனிஷா இடையே காதல்வலுவாக இருந்த நிலையில் என்ன ஆச்சு? திருமணம் நடைபெறுமா? அனிஷா ஏன் விஷாலின் புகைப்படங்களை நீக்கினார்? என்று புரியாமல் குழப்பத்தில் மௌனம் காத்து வருகின்றனர் விஷால் ரசிகர்கள்.