Komali: அச்சச்சோ…அதுக்குள்ள கோமாளி படம் வெளியீடா? அலறிய படக்குழு!

ஜெயம் ரவி நடிப்பில் உருவாகியுள்ள கோமாளி படம் வரும் 28ம் தேதி திரைக்கு வரயிருப்பதாக வெளியான தகவல் அறிந்த படக்குழுவினர் அதற்கு மறுப்பு தெரிவித்துள்ளனர்.

ஜெயம் ரவி நடிப்பில் புதுமுக இயக்குநர் பிரதீப் ரங்கநாதன் இயக்கிவரும் படம் “கோமாளி. இந்தப்படத்தின் ஃபர்ஸ்ட் லுக் சமீபத்தில் வேறு வேறு வேடங்களில் வெளியிடப்பட்டு பரபரப்பை கிளப்பியது. வேறு வேறு வேடத்தில் வித்தியாசமாக இருந்த ஃபர்ஸ்ட் லுக் இணையத்தில் டிரெண்டிங் ஆனது.

இந்தப் படத்திற்காக ஜெயம் 20 கிலோ வரை எடை குறைத்து பள்ளி செல்லும் பையனாக நடித்து வருகிறார். இந்தப்படத்தில் அவரது லுக் பல பிரபலங்களையும் கவர்ந்தது. இப்படத்தில் காஜல் அகர்வால், சம்யுக்தா ஹெக்டே, கவிதா ராதேஷ்யம் ஆகிய மூன்று கதாநாயகிகள் நடிக்கிறார்கள். யோகி பாபு நகைச்சுவை பாத்திரத்தில் நடித்து வருகிறார். ரிச்சர்ட் எம் நாதன் ஒளிப்பதிவு செய்ய ஹிப் ஹாப் ஆதி இசையமைக்க ஐசரி வேலன் இப்படத்தை தயாரித்து வருகிறார்.

படத்தின் ஃபர்ஸ்ட் லுக் வெளியிடப்பட்டநிலையில் படம் வரும் 28ம் தேதி வெளிவரும் என்று இணையத்தில் செய்தி பரவியது. இதை அறிந்து பதறிய படக்குழு இச்செய்தியை மறுத்துள்ளது. இப்போது தான் ஃபர்ஸ்ட் லுக் வெளியிட்டிருக்கிறோம். படத்தின் இறுதிக்கட்ட பணிகள் இப்போது நடைபெற்று வருகிறது. விரைவில் பட வேலைகள் முடிக்கப்பட்டு படம் ரிலீஸுக்கு தயாராகிவிடும். படத்தின் வெளியீட்டு தேதியை படத்தயாரிப்பு நிறுவனம் அதிகாரப்பூர்வமாக அறிவிக்கும். ஜூன் 28 ம் தேதி பட வெளியீடு இல்லை. எங்கள் படத்திற்கு கிடைத்த வரவேற்பிற்கு நன்றி என இயக்குநர் பிரதீப் ரங்கநாதன் தெரிவித்துள்ளார்.

படத்திற்கு படம் வித்தியாசமான வேடங்களை தேர்ந்தெடுத்து நடித்து வரும் ஜெயம்ரவி அடுத்து அவர் அண்ணனுடன் இணைந்து தனி ஒருவன் 2வில் நடிக்க இருக்கிறார் என்பது குறிப்பிடத்தக்கது.