கமலின் விக்ரம் டீஸர் நெட்ஃபிளிக்ஸ் தொடரில் இருந்து காப்பியடிக்கப்பட்டதா?

லோகேஷ் கனகராஜ் இயக்கத்தில் உலக நாயகன் கமல் ஹாசன் நடிக்கும் படத்திற்கு விக்ரம் என்று தலைப்பு வைத்து டீஸரை வெளியிட்டார்கள். கமலின் பிறந்தநாள் அன்று வெளியான டீஸரை பார்த்தவர்கள் லோகேஷ் கனகராஜை பாராட்டினார்கள்.

Kamal Haasan ஆரம்பிக்கலாங்களா?: கமலின் விக்ரம் டைட்டில் டீஸரே சும்மா அதிருதுல்ல

கமலை இப்படி பார்க்கத் தான் பல காலமாக காத்திருந்ததாக திரையுலகை சேர்ந்தவர்களும், ரசிகர்களும் தெரிவித்தனர். அந்த டீஸரில் ஆரம்பிக்கலாங்களா என்று ஒரேயோரு வார்த்தை தான் சொல்லியிருந்தார் கமல். அதற்கே ரசிகர்கள் செம குஷியாகிவிட்டார்கள்.

லோகேஷ் கனகராஜின் படம் வெளியானால் அந்த கதை எங்கிருந்து காப்பியடிக்கப்பட்டது என்று யாரும் தேடுவது இல்லை. இந்நிலையில் விக்ரம் டீஸர் காப்பியடிக்கப்பட்டது என்கிற குற்றச்சாட்டு எழுந்துள்ளது. நெட்ஃபிளிக்ஸ் தொடரான நார்கோஸ்: மெக்சிகோ சீசன் 2ன் ட்ரெய்லரை அப்படியே காப்பியடித்திருக்கிறார் லோகேஷ் கனகராஜ் என்று சமூக வலைதளவாசிகள் குற்றம் சாட்டியுள்ளனர்.
மேலும் நார்கோஸ்: மெக்சிகோ 2ன் டிரெய்லரையும் வெளியிட்டுள்ளனர். விக்ரம் மற்றும் நார்கோஸ்: மெக்சிகோ 2 ஆகியவற்றின் காட்சிகளை பிரிண்ட் ஸ்கிரீன் எடுத்து வெளியிட்டு இதற்கு பெயர் என்ன லோகேஷ் என்று கேள்வி எழுப்பியுள்ளனர்.
லோகேஷ் கனகராஜ் இப்படி செய்வார் என்று எதிர்பார்க்கவில்லை என சமூக வலைதளவாசிகள் கூறியுள்ளனர். எல்லாமும் தெரிந்த கமல் ஹாசனுக்கு இது நார்கோஸ் காப்பி என்பது எப்படி தெரியாமல் போனது என்றும் சிலர் கேள்வி எழுப்பியுள்ளனர்.

வழக்கமாக ஒரு படத்தின் தலைப்பை போஸ்டராகத் தான் வெளியிடுவார்கள். கமல் வித்தியாசமானவர் என்பதால் அவர் பட டைட்டில் அறிவிப்பை கூட வித்தியாசமாக வெளியிட ஐடியா செய்ததே லோகேஷ் தான். அதற்கு கமலும் சரி என்று சொல்ல, வீடியோவை ஷூட் செய்து டீஸரை வெளியிட்டனர். இப்படி லோகேஷ் ஆசை, ஆசையாக வெளியிட்ட டீஸர் காப்பி புகாரில் சிக்கியுள்ளது.

இது ஒரு புறம் இருக்க விக்ரம் பட டீஸரை வெளியிட எல்லாம் நேரம் இருக்கிறது ஆனால் மாஸ்டர் பட ட்ரெய்லரை வெளியிட மட்டும் நேரமில்லையா மிஸ்டர் லோகேஷ் கனகராஜ் என்று விஜய் ரசிகர்கள் தெரிவித்துள்ளனர்.