Kamal Haasan: வெளியான இந்தியன் 2 படக்கதை; அதிர்ச்சியில் படக்குழு?

பிரம்மாண்டமான இயக்குனர் ஷங்கர் இயக்கும் 14வது படம் இந்தியன் 2 பல சர்ச்சைகளுக்கு பிறகு இப்படம் மீண்டும் உயிர்பெற்றுள்ளது. மக்கள் நீதி மையம், பிக் பாஸ் என்று பிசியாக இருந்து வருகிறார் கமல் ஹாசன். சொன்ன பட்ஜெட்டை விட அதிகமாக செலவழிக்கும் இயக்குனர் ஷங்கர். இவர்களது கூட்டணியில் உருவாகும் படம் தான் இந்தியன் 2.

இப்படத்திற்கு பட்ஜெட் தொடர்பாக பிரச்சனை ஏற்பட்டபோது ஷங்கரும், கமலும் சேர்ந்து தான் லைகா நிறுவனத்தை சமாதானம் செய்து படத்தை தயாரிக்க சம்மதிக்க வைத்துள்ளனர். ஆகஸ்ட் 19ம் தேதி மீண்டும் படப்பிடிப்பு துவங்க உள்ளதாக படக்குழு தெரிவித்துள்ளது. காஸ்டிங் பணிகள் வேகமாக நடந்து கொண்டிருக்கும் வேளையில் கமல், காஜல் அகர்வால், சித்தார்த், பிரியா பவானி சங்கர், ஆகியோரைத் தொடர்ந்து, நடிகை ரகுல் ப்ரீத் சிங் இந்தப் படத்தில் இணைந்திருக்கிறார்.

இதையும் படிங்க: Thala 60: தல 60 படத்தில் அஜித்துக்கு வில்லன் யார் தெரியுமா?

Also Read This: விஜய் சேதுபதி – ராஷி கண்ணா காம்பினேசனில் வரும் குத்து டான்ஸ்: கமலா பாடல் லிரிக் வீடியோ!

மேலும் படிக்க: Miss India: கீர்த்தி சுரேஷ் நடிக்கும் 20ஆவது படம்: மிஸ் இந்தியா டைட்டில் டீசர் வெளியீடு!

தற்போது இப்படத்தின் கதை என ஒரு இணையத்ளத்தில் கசிந்துள்ளது. அந்தக் கதை இதோ சென்னையில் சமூக ஆர்வலாராக தன் மனைவியுடன் இருக்கும் சித்தார்த் ஊழக்கு எதிராக போராடி வருகிறார். ஒரு யூடுயுப் சேனல் மூலம் ஊழல்களையும், அரசியல்வாதிகளையும் அம்பலப்படுத்தி வருகிறார். அவருக்கு கொலைமிரட்டல் வருகிறது. அவரது உயிருக்கு ஆபத்து வருகிறது.

வெளிநாட்டில் வசிக்கும் கமல் இதனை கண்டு அதிர்ச்சியுற்று இந்தியா திரும்புகிறார். ஊழல்வாதிகளை அடையாள பட்டியலை சித்தார்த்திடம் வாங்கி அவர்களை தீர்த்து கட்டுகிறார். இதற்கு வர்மக்கலையை ஆராய்ச்சி செய்யும் காஜல் அகர்வாலும் சித்தார்த்தும் உதவுகிறார்கள்.

போலீஸ் கமலை பிடிக்க திட்டம் தீட்டுகிறார்கள், கமல் தப்பித்தாரா? என்பது தான் கதை. இப்படியொரு கதை இணையம் முழுதும் சுற்றி வருகிறது ஆனால் இது உண்மையில் இந்தியன் 2 கதை தானா அல்லது பொய்யான கதையா எனத் தெரியவில்லை. இதுகுறித்து இந்தியன் 2 படக்குழு எந்த ஒரு அறிவிப்பும் தரவில்லை. இந்த விவகாரத்தில் படக்குழு உண்மையை அறிவித்தால் மட்டுமே அது தெரியவரும்.