லட்சுமி மேனனை ஓரங்கட்டும் மலையாள சினிமா!

நடிகை லட்சுமி மேனனை, மலையாள சினிமா டைரக்டர்கள் ஓரங்கட்டி வருவதாக திரையுலகில் பேசப்பட்டு வருகிறது.

நடிகை லட்சுமி மேனன் தமிழில் ‘கும்கி’ படத்தில் அறிமுகமானார். இரண்டாவது படமாக ‘சுந்தரபாண்டியன்’ படத்தில் அறிமுகமானார். ஆனால், அதற்கு முன் அவர் மலையாளத்தில் ‘ரகுவிண்டே ஸ்வந்தம் ரசியா’, ‘ஐடியல் கப்புல்’ படங்களில் நடித்துள்ளார லட்சுமி மேனன். மலையாள படங்களில் நடித்த பிறகுதான் தமிழில் அறிமுகமானார். தமிழில் அவர் நடித்த முதல் இரண்டு படங்களுமே ஹிட்டானதால் ராசியான நடிகையாகி விட்டார் லட்சுமிமேனன்.

அதன் பின், தமிழில் ‘குட்டிப்புலி’, ‘பாண்டியநாடு’, ‘மஞ்சப்பை’, ‘ஜிகர்தண்டா’, ‘கொம்பன்’, ‘வேதாளம்’ போன்ற படங்களில் நடித்தார். இந்தப் படங்கள் வெற்றி பெற்றன. அடுத்ததாக நடித்த ‘மிருதன்’, ‘றெக்க’ பெரிதாக ஓடவில்லை. இந்த நிலையில், தற்போது ஜீவாவுடன் ‘நெஞ்சமுண்டு நேர்மையுண்டு’ படத்தில் நடித்து வருகிறார் லட்சுமி மேனன். இதை தவிர தமிழில்வேறு படங்கள் இல்லை லட்சுமி மேனனுக்கு.

தற்போது லட்சுமிமேனனின் உடல் எடை அதிகரித்திருப்பதால், அவரை உடம்பை குறைத்து விட்டு வருமாறு ஜீவா படக்குழுவினர் அனுப்பி விட்டார்களாம். அதனால், கேரளா விரைந்த லட்சுமிமேனன், தற்போது டயட்ஸ், உடற்பயிற்சி என்று தீவிரமடைந்திருக்கிறாராம்.மேலும், தாய்மொழியான மலையாளத்திலும் நடிக்க சில டைரக்டர்களிடம் சான்ஸ் கேட்டு வருகிறாராம் லட்சுமிமேனன். ஆனால், ‘ஜிகர்தண்டா’ படத்திற்கு பிறகு மலையாளத்தில் திலீப்புடன் அவர் நடித்த ‘அவதாரம்’ படம் தோல்வியடைந்ததால், மலையாள சினிமா டைரக்டர்கள் லட்சுமி மேனனை ஓரங்கட்டி வருகின்றனர்.

Is Mollywood avoiding Lakshmi Menon