என்னாது, ரஜினிக்கு காய்ச்சலா?

கொரோனா வைரஸ் பிரச்சனை இன்னும் தீராததால் ரஜினிகாந்த் படப்பிடிப்பில் கலந்து கொள்ளாமல் வீட்டிலேயே இருக்கிறார். இந்நிலையில் ரஜினிக்கு காய்ச்சல் என்கிற தகவல் சமூக வலைதளங்களில் வெளியாகி தீயாக பரவியது.

காய்ச்சலா, அப்படி என்றால் கொரோனா வைரஸ் பாதிப்பாக இருக்குமோ என்று ஆளாளுக்கு பேசத் துவங்கிவிட்டனர். ரஜினி அண்மையில் எங்கும் வெளியே செல்லவில்லையே, அவருக்கு எப்படி காய்ச்சல் என்று சிலர் கேள்வி எழுப்பினார்கள்.

இந்நிலையில் இது குறித்த ரஜினியின் பி.ஆர்.ஓ. ரியாஸ் விளக்கம் அளித்துள்ளார். அவர் கூறியதாவது,
ரஜினிக்கு காய்ச்சல் என்று பரவும் தகவலில் உண்மை இல்லை. அவர் நலமாக போயஸ் கார்டன் இல்லத்தில் இருக்கிறார் என்றார்.

ரஜினி பற்றி வதந்தி பரவுவது இது ஒன்றும் முதல் முறை அல்ல என்பது குறிப்பிடத்தக்கது. லாக்டவுனுக்கு முன்பு ரஜினி சிறுத்தை சிவா இயக்கத்தில் அண்ணாத்த படத்தில் நடித்து வந்தார். கொரோனா வைரஸ் பிரச்சனையால் நிறுத்தி வைக்கப்பட்ட படப்பிடிப்பை அக்டோபர் மாதம் துவங்க திட்டமிட்டார்கள். ஆனால் தன்னால் தற்போதைக்கு படப்பிடிப்பில் கலந்து கொள்ள முடியாது என்று ரஜினி தயாரிப்பு தரப்பை தொடர்பு கொண்டு தெரிவித்தார்.

Rajinikanth: அண்ணாத்த படக்குழுவின் அதிரடி முடிவு: இது ரஜினிக்கு செட்டாகுமா?

இதையடுத்து படப்பிடிப்பை துவங்கும் திட்டம் கைவிடப்பட்டது. இந்நிலையில் ஹைதராபாத்தில் இருக்கும் ராமோஜிராவ் ஃபிலிம் சிட்டியில் செட் அமைக்கும் பணி தீவிரமாக நடந்து வருகிறது. படப்பிடிப்பை பல ஷெட்யூல்களாக நடத்தாமல் ஒரு மாதத்திற்குள் முடிக்க திட்டமிட்டுள்ளாராம் சிவா.

ரஜினி வராமல் படப்பிடிப்பை நடத்த முடியாது. அவர் தொடர்பான காட்சிகள் இன்னும் நிறைய எடுக்க வேண்டியிருக்கிறது. அதனால் ரஜினி படப்பிடிப்பில் கலந்து கொள்ள சம்மதம் தெரிவித்திருக்க வேண்டும். அதனால் தான் செட் அமைக்கும் பணி நடந்து வருகிறது என்று கூறப்படுகிறது.

அண்ணாத்த படத்தில் நயன்தாரா, குஷ்பு, மீனா, கீர்த்தி சுரேஷ், பிரகாஷ் ராஜ், சதீஷ், சூரி உள்ளிட்டோர் நடிக்கிறார்கள். கீர்த்தி சுரேஷ் ரஜினியின் மகளாக நடிப்பதாக பேச்சு கிளம்பியது. ஆனால் அண்ணாத்த பற்றி அப்டேட் கொடுப்பதில் சிவா ஆர்வம் காட்டவில்லை.