விஜய் விக் வைத்திருக்கிறாரா?: நண்பன் ஸ்ரீமன் விளக்கம்

மாஸ்டர் படத்திற்காக விஜய் வித்தியாசமான ஹேர்ஸ்டைல் வைத்துள்ளார். கடந்த 15ம் தேதி சென்னையில் நடந்த மாஸ்டர் இசை வெளியீட்டு விழாவுக்கு விஜய் கோட், சூட் அணிந்து மாஸாக வந்திருந்தார். அவரது உடையை கவனித்த அனைவரும் அவரின் ஹேர்ஸடைலும் கவனித்தார்கள். இந்த ஸ்டைல் நல்லா இருக்கு அண்ணா என்று ரசிகர்கள் தெரிவித்தனர். இந்நிலையில் மாஸ்டர் படத்தில் நடித்துள்ள ஸ்ரீமனிடம் சமூக வலைதளவாசி ஒருவர் விஜய் பற்றி கேள்வி கேட்டார்.

விஜய்ணா விக் வைத்திருக்கிறாரா என்று அந்த நெட்டிசன் கேட்டதற்கு ஸ்ரீமன் கூறியதாவது, இருக்கலாம், இல்லாமலும் இருக்கலாம். ப்ரோ படம் பாருங்க, நோ கமெண்ட்ஸ். தற்போதைக்கு கொரோனாவுக்காக பிரார்த்தனை செய்கிறேன். மாஸ்டரில் என் நண்பன் விஜய்யை உங்களுக்கு பிடிக்கும் என்று தெரிவித்துள்ளார்.

நாட்டில் எவ்வளவோ பிரச்சனை இருக்கிறது. மேலும் ஊர், உலகமே கொரோனா வைரஸ் வேகமாக பரவிக் கொண்டிருப்பதை பார்த்து பயந்து கொண்டிருக்கிறது. இந்நிலையில் விஜய் விக் வைத்திருக்கிறாரா, இல்லையா என்பது ரொம்ப முக்கியமா?. அப்படியே அவர் விக் வைத்திருந்தால் தான் என்ன. எத்தனையோ நடிகர்கள் விக் வைத்துக் கொண்டு தான் வெளியே வருகிறார்கள். போய் புள்ள, குட்டியை படிக்க வையுங்கள் என்று விஜய் ரசிகர்கள் தெரிவித்துள்ளனர்.

மாஸ்டர் படம் வரும் ஏப்ரல் 9ம் தேதி ரிலீஸாக உள்ளது. கொரோனா வைரஸ் பரவுவதால் மார்ச் 31ம் தேதி வரை தியேட்டர்கள் மூடப்பட்டுள்ளன. இதனால் சில படங்களின் ரிலீஸ் தேதி தள்ளிப் போயுள்ளது. இருப்பினும் மாஸ்டர் படத்தை திட்டமிட்ட தேதியில் ரிலீஸ் செய்யத் தேவையான நடவடிக்கைகள் மேற்கொள்ளப்பட்டு வருகின்றது என்பது குறிப்பிடத்தக்கது.