போட்ரா வெடிய, இது தளபதி பொங்கல்: ஜனவரி 13ம் தேதி மாஸ்டர் ரிலீஸ் உறுதி

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன், ஆண்ட்ரியா, அர்ஜுன் தாஸ், சாந்தனு உள்ளிட்டோர் நடித்துள்ள மாஸ்டர் படத்தின் ரிலீஸ் கொரோனா பிரச்சனையால் பாதிக்கப்பட்டது. 2020ம் ஆண்டு வெளியாக வேண்டிய படத்தை 2021ம் ஆண்டில் ரிலீஸ் செய்ய முடிவு செய்தனர்.

பல மாதங்களாக மூடப்பட்ட தியேட்டர்கள் கடந்த மாதம் திறக்கப்பட்டதால் பொங்கல் பண்டிகைக்கு மாஸ்டர் ரிலீஸாகும் என்று எதிர்பார்க்கப்பட்டது. இந்நிலையில் மாஸ்டர் படம் பொங்கலுக்கு தான் ரிலீஸாகிறது என்பதை அமைச்சர் கடம்பூர் ராஜு உறுதி செய்துள்ளார்.

அண்மையில் நடந்து முடிந்த தமிழ் திரைப்பட தயாரிப்பாளர் சங்க தேர்தலில் தேர்வு செய்யப்பட்ட நிர்வாகிகள் பொறுப்பேற்கும் விழா சென்னை கலைவாணர் அரங்கில் நடந்தது. அந்த நிகழ்ச்சியில் கலந்து கொண்டு பேசிய அமைச்சர் கடம்பூர் ராஜு கூறியதாவது,

மாஸ்டர் படம் ஜனவரி 13ம் தேதி வருது. பொங்கல் எல்லாம் வருது. மாஸ்டர் படத்தை ரிலீஸ் செய்ய வேண்டும் என்பதால் தியேட்டர்களுக்கு கூடுதல் பேர் வர அனுமதி கேட்டிருக்கிறீர்கள். ஆனால் மாஸ்டர் படம் ரிலீஸாவதற்கு முன்பே தமிழகத்தில் கொரோனாவே இல்லாமல் போய்விடும் என்றார்.

Vijay Master மாஸ்டர் தொடர்ந்து 5 நாள் வசூல் வேட்டை நடத்த ரிலீஸ் தேதி குறிச்சாச்சா?

ஜனவரி 14ம் தேதி முதல் பொங்கல் பண்டிகை கொண்டாட்டம் துவங்குவதால் 13ம் தேதி புதன்கிழமை மாஸ்டர் படம் வெளியாகும் என்று பேச்சு கிளம்பியது. இந்நிலையில் அதை அமைச்சர் உறுதி செய்துள்ளார். கடம்பூர் ராஜு மாஸ்டர் ரிலீஸ் குறித்து பேசிய வீடியோவை விஜய் ரசிகர்கள் சமூக வலைதளங்களில் அதிக அளவில் ஷேர் செய்து வருகிறார்கள்.

கொரோனா வைரஸ் பிரச்சனை இன்னும் தீராததால் தியேட்டர்களில் 50 சதவீத இருக்கைகள் மட்டுமே பயன்படுத்தப்பட வேண்டும் என்பது அரசு விதிமுறை. அந்த இருக்கைகளின் எண்ணிக்கையை அதிகரிக்குமாறு கோரிக்கை விடுக்கவே, மாஸ்டர் வருவதற்குள் கொரோனாவே இருக்காது என்று கடம்பூர் ராஜு தெரிவித்துள்ளார்.

இந்த பொங்கல் தளபதி பொங்கல் என்று ரசிகர்கள் தற்போதே கொண்டாட்டத்தை துவங்கிவிட்டனர். இந்நிலையில் கிறிஸ்துமஸ் பண்டிகைக்கு மாஸ்டர் ட்ரெய்லர் வெளியாகும் என்று எதிர்பார்க்கப்படுகிறது.