‘பாண்டி முனி’யாக மாறிய பிரபல இந்தி நடிகர்!

பிரபல நடிகர் இந்தி நடிகர் ஜாக்கி ஷெராப், ‘பாண்டி முனி’ என்ற படத்தில் அகோரியாக நடித்து வருகிறார்.

பிரபல இயக்குனர் கஸ்தூரி ராஜா இயக்கத்தில் உருவாகும் ‘பாண்டி முனி’ என்ற படத்தில் பிரபல இந்தி நடிகர் ஜாக்கி ஷெராப் நடித்து வருகிறார். இந்தப் படத்தை ஆர்.கே.புரொடக்ஷன் தயாரித்து வருகிறது. இந்தப் படத்திற்கு ஸ்ரீகாந்த் தேவா இசையமைத்து வருகிறார்.

இந்த படத்தில் நடிகர் ஜாக்கி ஷெராப் முனி என்கிற அகோரி வேடத்தில் நடிக்கிறார். மேலும் படத்தில் புதுமுக நடிகை மேகாலி பாண்டி என்ற வேடத்தில் நடித்து வருகிறார். மற்றும் இன்னொரு நாயகியாக நிகிஷா பட்டேல், பெராரே, சிவசங்கர், ஷாயாஜி ஷிண்டே, அம்பிகா, வாசுவிக்ரம் ஆகியோர் நடிக்கிறார்கள்.