'ஜெய் பீம்' படத்தில் நடித்த சிறுமி பள்ளியிலிருந்து நீக்கப்பட்டாரா?: வெளியான பரபரப்பு தகவல்!

அமேசான் ப்ரைம் தளத்தில் வெளியாகியுள்ள 'ஜெய் பீம்' படம் அனைத்து தரப்பினரிடமும் பாராட்டுக்களை பெற்று வருகிறது. சூர்யாவின் 2டி என்டர்டெய்ன்மென்ட் நிறுவனம் தயாரித்துள்ள இந்தப்படத்தை தா.செ.ஞானவேல் என்பவர் இயக்கியுள்ளார். இந்தப்படத்தில் நடித்த சிறுமியின் டி.சி-யை வாங்கிக் கொள்ள பள்ளி நிர்வாகம் கட்டாயப்படுத்துவதாக அண்மையில் வெளியான தகவல் அனைவர் மத்தியிலும் பரபரப்பை கிளப்பியது.

சூர்யா நடிப்பில் வெளியாகியுள்ள 'ஜெய் பீம்' படத்தில் லிஜோமோல் ஜோஸ், மணிகண்டன், ரஜிஷா விஜயன், பிரகாஷ் ராஜ் உள்ளிட்டோர் முக்கிய கதாபாத்திரத்தில் நடித்துள்ளனர். ஷான் ரோல்டன் இந்த படத்திற்கு இசையமைத்துள்ளார். அறிமுக இயக்குனர் தா.செ.ஞானவேல் இயக்கியுள்ள இந்தப்படத்தை சூர்யாவின் 2டி என்டர்டெயின்மென்ட் நிறுவனம் தயாரித்துள்ளது.

‘ஜெய் பீம்’ படத்தில் இருளர், பழங்குடியினருக்காக போராடும் வழக்கறிஞர் வேடத்தில் சூர்யா நடித்துள்ளார். உண்மை சம்பவத்தை அடிப்படையாக கொண்டு இந்தப்படம் உருவாகியுள்ள இந்தப்படம் அணைத்து தரப்பினர்களிடமும் பாராட்டுக்களை பெற்று வருகிறது. முதலமைச்சர் மு.க. ஸ்டாலின், கமல்ஹாசன் உள்ளிட்ட பலரும் 'ஜெய் பீம்' படக்குழுவினருக்கு பாராட்டுக்கள் தெரிவித்து வருகின்றனர்.

சினிமாவில் இருக்கவே தகுதியற்றவன்: 'ஜெய் பீம்' பார்த்துவிட்டு எமோஷனலான எஸ்.ஜே. சூர்யா!
இந்தப்படத்தில் முக்கிய கதாபாத்திரத்தில் நடித்த ராஜாகண்ணு - செங்கணி தம்பதியின் மகளாக அல்லி என்ற கதாபாத்திரத்தில் நடித்திருந்த ஜோசிகா மாயா எனற சிறுமியின் நடிப்பு பலரையும் கவர்ந்திருந்தது. இந்நிலையில் இந்தப்படத்தில் நடித்ததற்காக அந்தக் சிறுமியின் டிசியை வாங்க சொல்லி பள்ளி நிர்வாகம் வற்புறுத்துவதாக தகவல்கள் வெளியானது. இதற்கு பலரும் எதிர்ப்பு தெரிவித்திருந்தனர்.

இந்நிலையில் இது குறித்து பேசிய ஜோசிகாவின் தந்தை சக்தி, இந்த செய்தியில் கொஞ்சமும் உண்மை இல்லை. அப்படி ஒரு சம்பவம் நடக்கவில்லை. ஜெய் பீம் படத்தை தொடர்ந்து வெப் சீரிஸ் ஒன்றில் அதிதி பாலன் மகளாக நடித்து முடித்திருக்கிறார். மேலும் நிறைய வாய்ப்புகள் வந்து கொண்டிருக்கிறது. படிப்பும் நடிப்பும் தொடர்ந்து கொண்டிருக்கும் என்று தெரிவித்துள்ளார்.